Напярэдадні Дня Перамогі прадстаўнікі КДК ушанавалі памяць ахвяр Вялікай Айчыннай вайны, усклаўшы кветкі да манумента, размешчанага на 9-м кіламетры Маскоўскай шашы ва Уруччы.
Помнік устаноўлены на месцы гібелі 30 тысяч савецкіх ваеннапалонных, мірных грамадзян і партызан, закатаваных фашысцкімі акупантамі ў 1941 і 1943 гадах.
Пасля ўскладання работнікі КДК наведалі месца масавага знішчэння мірных грамадзян і ваеннапалонных ва ўрочышчы Уручча. Паводле архіўных звестак з 1941 па 1944 гады нямецка-фашысцкія акупанты звозілі сюды і расстрэльвалі мірных жыхароў, а таксама вайскоўцаў з Мінска і яго наваколля.
У рамках расследавання Генеральнай пракуратурай крымінальнай справы аб генацыдзе беларускага народа тут знойдзены ямы-магілы, у якіх знойдзены астанкі людзей, кулі і гільзы да агнястрэльнай зброі, а таксама асабістыя рэчы забітых.
Усе навіны