Галоўная / Дзейнасць / Міжнароднае супрацоўніцтва

Міжнароднае супрацоўніцтва

У адпаведнасці з артыкулам 6 Закона Рэспублікі Беларусь “Аб Камітэце дзяржаўнага кантролю Рэспублікі Беларусь” “Камітэт дзяржаўнага кантролю i яго тэрытарыяльныя органы ажыццяўляюць сваю дзейнасць ва ўзаемадзеянні з іншымі дзяржаўнымі органамі, іншымі арганізацыямі, у тым ліку замежных дзяржаў, міжнароднымі арганізацыямі і грамадзянамі”. У сваёй дзейнасці Камітэт дзяржаўнага кантролю Рэспублікі Беларусь таксама кіруецца палажэннямі Лімскай дэкларацыі кіруючых прынцыпаў кантролю (1977) і Мексіканскай дэкларацыі незалежнасці ВОФК (2007), якія з’яўляюцца асноватворнымі дакументамі супольнасці дзяржаўных аўдытараў усяго свету.

З’яўляючыся членам міжнароднай арганізацыі вышэйшых органаў фінансавага кантролю (International Organisation of Supreme Audit Institutions - INTOSAI) з 2001 года і Еўрапейскай арганізацыі вышэйшых кантрольных органаў (EUROSAI) з 2002 года, Камітэт актыўна развівае міжнароднае супрацоўніцтва з вышэйшымі органамі фінансавага кантролю (ВОФК) замежных краін і іх міжнароднымі аб’яднаннямі.

У міжнародную арганізацыю вышэйшых органаў фінансавага кантролю ўваходзяць ВОФК 192 дзяржаў і 5 асацыіраваных членаў. INTOSAI з’яўляецца аўтаномнай, незалежнай, непалітычнай няўрадавай арганізацыяй, створанай у якасці пастаяннага інстытута для абмену ідэямі і вопытам у сферы вонкавага аўдыту паміж вышэйшымі органамі фінансавага кантролю дзяржаў свету. Арганізацыя мае кансультатыўны статус пры Эканамічным і Сацыяльным Савеце ААН. Дэвіз арганізацыі – “Experientia mutua omnibus prodest” («Узаемны абмен вопытам прыносіць карысць усім”), а яе штаб-кватэра размешчана ў г. Вене, дзе працуе сакратарыят арганізацыі на базе вышэйшага органа фінансавага кантролю Аўстрыі (Rechnungshof).

EUROSAI з’яўляецца адной з 7 рэгіянальных арганізацый INTOSAI. Асноўная мэта EUROSAI - садзейнічаць развіццю супрацоўніцтва паміж уваходзячымі ў яе ВОФК, спрыяць абмену інфармацыяй і дакументацыяй, даследаванням у галіне кантролю дзяржаўных фінансаў і уніфікацыі тэрміналогіі ў галіне дзяржаўнага кантролю. У цяперашні час EUROSAI аб’ядноўвае 50 вышэйшых органаў фінансавага кантролю.

У мэтах абмену вопытам і правядзення сумесных кантрольных мерапрыемстваў Камітэтам дзяржкантролю Рэспублікі Беларусь падпісаны двухбаковыя дамовы аб супрацоўніцтве з замежнымі ВОФК.

Удзел у дзейнасці міжнародных арганізацый дазваляе Камітэту дзяржкантролю быць паўнапраўным удзельнікам міжнароднай аўдытарскай супольнасці, забяспечвае дасведчанасць адносна апошніх напрацовак і дасягненняў вышэйшых органаў фінансавага кантролю замежных дзяржаў, прадастаўляе магчымасць вывучаць, аналізаваць і ўкараняць у яго дзейнасць міжнародны вопыт, а таксама фармаваць пазітыўны імідж Рэспублікі Беларусь і інфармаваць аб рабоце Камітэта дзяржкантролю за мяжой. ІНТОСАІ (INTOSAI)прадастаўляе пляцоўку для абмеркавання дзяржаўнымі аўдытарамі / кантралёрамі з усяго свету пытанняў, якія выклікаюць ўсеагульную заклапочанасць, і дазваляе заўсёды заставацца ў курсе апошніх тэндэнцый у галіне аўдыту, прафесійных стандартаў і найлепшых практык. Ва ўмовах працэсаў глабалізацыі, якія набіраюць сілу, значэнне, якое набывае абмен вопытам, інфармацыяй і кадрамі, цяжка пераацаніць.

Спасылкі:

Лімская дэкларацыя
Мексіканская дэкларацыя
Структура ИНТОСАИ

Зваротная сувязь
Паведаміць аб завышэнні цэн на лекі Паведаміць аб завышэнні цэн на лекі Паведаміць аб завышэнні цэн на тавары Паведаміць аб завышэнні цэн на тавары Маніторынг аб'ектаў звышнарматыўнага будаўніцтва Маніторынг аб'ектаў звышнарматыўнага будаўніцтва Скажы не заробку "ў канверце" Скажы не
заробку "ў канверце"
Інтэрнэт-партал Прэзідэнта Рэспублікі Беларусь Інтэрнэт-партал Прэзідэнта Рэспублікі Беларусь Прававы форум Беларусі Прававы форум Беларусі Нацыянальны прававы інтэрнэт-партал Нацыянальны прававы інтэрнэт-партал Belarus.by - Афіцыйны сайт Рэспублікі Беларусь Belarus.by - Афіцыйны сайт Рэспублікі Беларусь Савет Міністраў Рэспублікі Беларусь Савет Міністраў Рэспублікі Беларусь