Упраўленнем Дэпартамента фінансавых расследаванняў Камітэта дзяржкантролю па Гродзенскай вобласці спынена супрацьпраўная схема рэалізацыі на экспарт мяса буйной рагатай жывёлы і мясной прадукцыі. Уласнікі і кіраўнікі сталічнай кампаніі выкарыстоўвалі падкантрольныя кампаніі для правядзення фіктыўных здзелак і заніжэння выручкі, каб не плаціць падаткі ў поўным аб'ёме. Нанесены дзяржаве ўрон склаў 1,2 млн. рублёў.
У ходзе праверкі ўстаноўлена, што ўласнікі і кіраўнікі фірмы зарэгістравалі ў Мінску і Мінскім раёне яшчэ 5 падкантрольных кампаній з аналагічным відам дзейнасці. Каб схаваць рэальна атрымоўваную выручку ўласнай кампаніі яны праз падкантрольныя фірмы дакументальна афармлялі фіктыўныя здзелкі па адгрузцы мясной прадукцыі па заніжаных коштах у адрас таксама падкантрольнай ім расійскай фірмы.
На самой справе тавары ў адрас гэтай кампаніі не пастаўляліся, а ўся прадукцыя прадавалася наўпрост спажыўцам у Расійскай Федэрацыі па рынкавым кошце.
У выніку супрацьпраўных дзеянняў дзяржаве нанесены ўрон у выглядзе нявыплачаных падаткаў на суму 1,2 млн. рублёў.
Акрамя таго, уладальнікі бізнэсу спрабавалі незаконна вярнуць з бюджэту падатак на дададзены кошт у суме 3,9 млн. рублёў, прадставіўшы ў тэрытарыяльныя падатковыя інспекцыі фіктыўныя дэкларацыі па ПДВ.
У адносінах да двух уласнікаў і кіраўнікоў таварыства ўзбуджаны крымінальныя справы па фактах ухілення ад выплаты падаткаў і падатковага махлярства.
Усе навіны