Баранавіцкім міжраённым аддзелам фінансавых расследаванняў спынена незаконная дзейнасць службовых асоб мінскага прыватнага прадпрыемства, звязаная з ухіленнем ад выплаты падаткаў у буйным памеры і неабгрунтаваным пасрэдніцтвам. Кампанія займалася пастаўкамі ветэрынарных прэпаратаў для арганізацый аграпрамысловага комплексу краіны.
Устаноўлена, што дырэктар фірмы і яго намеснік на працягу 5 гадоў выкарыстоўвалі "шэрую схему" па набыцці імпартных ветэрынарных прэпаратаў з выкарыстаннем падкантрольнай латвійскай пасрэдніцкай кампаніі.
Па дакументах пастаўка замежнымі вытворцамі ветпрэпаратаў афармлялася ў адрас латвійскай кампаніі, якая ў сваю чаргу, ужыўшы нацэнку, пастаўляла іх мінскаму прадпрыемству. Насамрэч ветпрэпараты напрамую накіроўваліся ад вытворцаў у нашу краіну. Пытаннямі набыцця тавараў займаліся службовыя асобы беларускай фірмы, а латвійская кампанія была штучна ўключана ў схему для афармлення здзелак куплі-продажу і павелічэння канчатковага кошту ветпрэпаратаў.
У выніку выкарыстання "шэрай" схемы паставак мінскім прадпрыемствам не выплачаны падатак на прыбытак на суму звыш 800 тыс. руб.
У дачыненні да дырэктара прадпрыемства і яго намесніка ўзбуджана крымінальная справа. Праводзіцца папярэдняе раследаванне.
Усе навіны