У ходзе кантрольна-аналітычных мерапрыемстваў устаноўлена, што не ва ўсіх рэгіёнах прымаюцца дастатковыя меры па правядзенню своечасовага і якаснага рамонту сельскагаспадарчай тэхнікі, назапашванню неабходнай колькасці мінеральных угнаенняў, забеспячэнню насеннем сельгаскультур і іншым пытанням правядзення пасяўной кампаніі.
Практычна ў кожнай другой праверанай гаспадарцы ўстаноўлены факты недастатковай забяспечанасці ўгнаеннямі. У цэлым, у сельгасарганізацыях рэспублікі на 21.03.2024 нарыхтавана 56,7 працэнта мінеральных угнаенняў ад патрэбнасці да вясенняй сяўбы. Нізкая забяспечанасць мінеральнымі ўгнаеннямі ўстаноўлена ў гаспадарках Ганцавіцкага, Сенненскага, Расонскага, Шумілінскага, Дубровенскага, Гарадоцкага, Шаркаўшчынскага, Глускага, Бабруйскага, Мсціслаўскага, Бярэзінскага, Кастрычніцкага і іншых раёнаў.
Не ў поўнай меры прыняты меры па забеспячэнні запчасткамі, неабходнымі для своечасовага правядзення рамонтных работ. У выніку ў шэрагу сельгасарганізацый падрыхтоўка сельгастэхнікі вядзецца маруднымі тэмпамі, не выконваюцца графікі правядзення рамонтных работ.
У 43 працэнтах правераных гаспадарак устаноўлены факты нізкай гатоўнасці сельгастэхнікі. Напрыклад, у ААТ «Сінегорскае» Сенненскага раёна на 11.03.2024 не былі адрамантаваны камбінаваны глебаапрацоўчы і глебаапрацоўча-пасяўны агрэгаты, а таксама дыскатар. У ААТ «Зазерка» Пухавіцкага раёна ў няспраўным стане былі 2 з 5 энерганасычаных трактароў, 2 з 5 камбінаваных глебаапрацоўчых агрэгатаў, 3 з 4 машын для ўнясення цвёрдых арганічных угнаенняў. У ААТ «Кастрычнік-Бярозкі» Хоцімскага раёна да вясенне-палявых работ не былі падрыхтаваны 2 з 7 энерганасычаных трактароў, 2 з 4 збожжавых сеялак, 1 з 3 абаротных плугоў, адзіная машына «Раса».
У ходзе кантрольных мерапрыемстваў у некаторых гаспадарках устаноўлены факты прыпісак гатоўнасці тэхнікі. Напрыклад, у ААТ «Бярэзінскі райаграсэрвіс» Бярэзінскага раёна, паводле аператыўнай інфармацыі, на 06.03.2024 лічыліся спраўнымі 1 з двух камбінаваных глебаапрацоўча-пасяўных агрэгатаў, 4 машыны для ўнясення цвёрдых мінеральных угнаенняў. Разам з тым падчас маніторынгу 11.03.2024 устаноўлена, што не адрамантаваны 2 камбінаваныя глебаапрацоўча-пасяўныя агрэгаты, 2 машыны для ўнясення цвёрдых мінеральных угнаенняў.
У шэрагу сельгасарганізацый падрыхтоўка тэхнікі да пасяўной не ажыццяўляецца з-за адсутнасці механізатараў.
Таксама выяўлена, што асобныя сельгасарганізацыі не забяспечаны ў поўным аб'ёме насеннем сельскагаспадарчых культур для сяўбы запланаваных плошчаў. Акрамя таго, маруднымі тэмпамі вядзецца закупка элітнага насення збожжавых і зернебабовых культур - на 15.03.2024 іх закуплена 19 працэнтаў ад патрэбнасці.
Інфармацыя аб выніках праведзеных маніторынгаў накіравана мясцовым органам улады для прыняцця аператыўных мер рэагавання. Цяпер прымаюцца меры па забеспячэнню аператыўнага завяршэння рамонту сельскагаспадарчай тэхнікі ў адстаючых рэгіёнах, выбарцы ў спецыялізаваных прадпрыемстваў вырабленага і падрыхтаванага да сяўбы арыгінальнага і элітнага насення збожжавых і зернебабовых культур.
Сітуацыя ў правераных гаспадарках і ход падрыхтоўкі да правядзення палявых работ застаецца на кантролі Камітэта дзяржаўнага кантролю. Усе навіны
Cтаршыня Камітэта
Дэпартамент фінансавых расследаванняў
Дэпартамент фінансавага маніторынгу
Камітэты дзяржкантролю абласцей
