Навіны

Калегія Камітэта дзяржкантролю 31 сакавіка 2022 года разгледзела вынікі кантролю за падрыхтоўкай сельскагаспадарчых арганізацый да веснавых палявых работ. Мерапрыемства прайшло пад старшынствам кіраўніка ведамства Васіля Герасімава. У рабаце калегіі прыняў удзел намеснік Прэм'ер-міністра Леанід Заяц. У ходзе праведзеных у сакавіку 2022 года (напярэдадні пасяўной) маніторынгаў Камітэтам дзяржкантролю быў устаноўлены шэраг праблем, у тым ліку факты недастатковай колькасці механізатараў, негатоўнасці тэхнікі да правядзення палявых работ, недахопу мінеральных угнаенняў (у т.л. нездавальняючага іх захоўвання), насення, сродкаў аховы. Вынікі праверак былі накіраваны мясцовым органам улады, праінфармаваны ўрад. Галоўнай задачай з'яўлялася прыняцце на месцах аператыўных мер па выпраўленні недахопаў. Як паказалі паўторныя кантрольныя мерапрыемствы, праведзеныя 23-30 сакавіка 2022 года, асобныя адзначаныя раней недахопы былі ліквідаваны (праведзены рамонт тэхнікі, закуплены дадатковыя аб'ёмы ўгнаенняў і насення), аднак у цэлым сітуацыя ў станоўчы бок істотна не змянілася. У многіх гаспадарках выяўлены тыя ж праблемныя пытанні. У прыватнасці, паўторныя маніторынгі паказалі, што ў 52 сельгасарганізацыях са 135 правераных устаноўлены факты недахопу механізатараў. Гэта праблема ўплывае таксама на нізкія тэмпы падрыхтоўкі тэхнікі. Большасць такіх фактаў устаноўлена ў Віцебскай, Гомельскай і Магілёўскай абласцях. У шэрагу гаспадарак пралікі ў рамонце тэхнікі прыкрываюцца прыпіскамі. Не выпрацаваны алгарытм па забеспячэнні ўсіх сельгасарганізацый мінеральнымі ўгнаеннямі пад поўную патрэбнасць. Так, на 30.03.2022 назапашана толькі 60 працэнтаў угнаенняў ад патрэбнасці, у тым ліку азотных - 54,6 працэнта, фосфарных - 25,5 працэнта, калійных - 79 працэнтаў. Аб'ём угнаенняў у гаспадарках рэспублікі за мінулы тыдзень крыху павялічыўся, аднак сельгасарганізацыі па-ранейшаму адчуваюць дэфіцыт у іх. Напрыклад, у гаспадарках Віцебскай вобласці ёсць толькі 33,9 працэнта ўсіх відаў мінеральных угнаенняў ад патрэбнасці, Магілёўскай - 35,3 працэнта. Пры гэтым выяўляюцца выпадкі неналежнага захоўвання ўгнаенняў. Такія факты ўстаноўлены ў некаторых сельгасарганізацыях Барысаўскага, Любанскага, Бераставіцкага, Воранаўскага, Рагачоўскага раёнаў. У большасці абследаваных гаспадарак таксама не выконваецца даручэнне Кіраўніка дзяржавы па замацаванні за энерганасычанымі трактарамі па 2 механізатары, што не дасць магчымасці іх эфектыўна выкарыстоўваць. Таксама на недастатковым узроўні вядзецца выбарка элітных сямян збожжавых і зернебабовых культур з элітавытворчых гаспадарак (выкуплена толькі 27 працэнтаў ад нарыхтаванага іх аб'ёму). Цяпер Камітэт дзяржкантролю актыўна кантралюе ход правядзення сяўбы ў тых гаспадарках, дзе яна пачалася. Ёсць факты парушэння тэхналагічных рэгламентаў (сеў без унясення асобных відаў мінеральных угнаенняў, па няякасна падрыхтаваных участках, неадрэгуляванымі пасяўнымі агрэгатамі і інш.). Пры гэтым у шэрагу гаспадарак адсутнічаў кантроль за гэтымі працэсамі з боку абл- і райвыканкамаў, кіраўнікоў і спецыялістаў сельгаспрадпрыемстваў. Па фактах недаглядаў і парушэнняў Камітэтам дзяржкантролю прыцягнуты да дысцыплінарнай адказнасці 42 службовыя асобы. На пасяджэнні калегіі перад Мінсельгасхарчам і аблвыканкамамі пастаўлены канкрэтныя задачы па выпраўленні недахопаў. Адзначана, што пасяўная павінна быць праведзена ў аптымальныя тэрміны і з захаваннем тэхналагічных патрабаванняў. З гэтай мэтай КДК прыме максімальныя меры, каб выяўленыя падчас маніторынгаў недахопы былі аператыўна ліквідаваны. Камітэт дзяржкантролю працягне жорсткі кантроль за ходам правядзення пасяўной кампаніі. Усе навіны