З 12 па 14 ліпеня 2023 г. Камітэт дзяржаўнага кантролю адкрывае "гарачую" лінію па пытаннях дзейнасці аператараў паштовай сувязі ў Рэспубліцы Беларусь.
Грамадзяне могуць паведаміць інфармацыю:
- аб неналежнай рабоце аператараў і невыкананні імі патрабаванняў заканадаўства аб абароне правоў спажыўцоў пры рэалізацыі паслуг паштовай сувязі;
- аб фактах няякаснага або несвоечасовага аказання паслуг паштовай сувязі;
- аб недахопах у функцыянаванні аб'ектаў паштовай сувязі, у тым ліку ў сельскай мясцовасці (нязручны рэжым працы або яго незахаванне, адсутнасць магчымасці зняцця наяўных грашовых сродкаў, высокія тарыфы і т.п.).
Таксама работнікі кантрольнага ведамства гатовы выслухаць меркаванні грамадзян аб недахопах пры атрыманні пенсій і дапамог з выкарыстаннем паслуг аператараў паштовай сувязі (з дастаўкай дадому, у аб'екце паштовай сувязі), перавагах у выбары аператара паслуг пры адпраўцы і атрыманні паштовых адпраўленняў (у тым ліку пасылак і грашовых пераводаў), прапановы па паляпшэнні якасці працы аператараў паштовых паслуг.
Паведамленні на кароткі нумар 191 прымаюцца з 9-00 да 13-00 і з 14-00 да 18-00.
Акрамя таго, інфармацыю можна адправіць у чат-бот тэлеграм канала Камітэта дзяржкантролю.
Усе навіны