Навіны

Работнікі Камітэта дзяржаўнага кантролю прынялі ўдзел у мітынгу-рэквіеме памяці ахвяр Вялікай Айчыннай вайны, які адбыўся 5 мая 2022 года ў мемарыяльным комплексе «Трасцянец». «Трасцянец» з'яўляецца найбуйнейшым на тэрыторыі Беларусі месцам масавага знішчэння людзей у гады нямецка-фашысцкай акупацыі і адным з найбуйнейшых у Еўропе канцэнтрацыйных лагераў. Лагер смерці на гэтым месцы функцыянаваў да канца чэрвеня 1944 гады. Па розных падліках, тут загінулі ад 206 тыс. да 546 тыс. чалавек. «Страшна ўявіць, праз што прайшлі гэтыя людзі. У гэты лагер смерці адусюль звозілі чырвонаармейцаў, партызан-падпольшчыкаў, яўрэяў», – адзначыў у сваёй прамове падчас мітынгу-рэквіема Старшыня Камітэта дзяржкантролю Васіль Герасімаў. Ён звярнуўся да маладых людзей, якія ўдзельнічалі ў мітынгу: «Усе мы павінны шанаваць і памятаць нашу гісторыю. Бо гэта зямля прасякнута слязамі і крывёй». Да ўдзельнікаў мітынгу таксама звярнулася Інэса Георгіеўна Кулага - вязніца канцлагера і сведка тых жудасных падзей. Сёння яна ўзначальвае Завадскую раённую арганізацыю грамадскага аб'яднання «Беларуская асацыяцыя былых непаўналетніх вязняў фашызму». Падчас мітынгу работнікі Камітэта дзяржкантролю ўшанавалі хвілінай маўчання памяць ахвяр фашызму. Да манумента «Брама памяці» былі ўскладзены кветкі і вянок ад прадстаўнікоў кантрольнага ведамства. Усе навіны