Навіны

Прадстаўнікі Камітэта дзяржаўнага кантролю Беларусі прынялі ўдзел у анлайн-семінары Арганізацыі вышэйшых органаў аўдыту краін эканамічнага супрацоўніцтва (ЭКАСАІ).

У фармаце відэаканферэнцыі абмяркоўвалася тэма "Трансфармацыя аўдыту дзяржаўнага сектара з дапамогай цыфравізацыі".

Вопытам рэалізацыі Праекта па стварэнню інфармацыйнай сістэмы арганізацыі аўдыту падзяліліся прадстаўнікі Вышэйшага органа аўдыту Пакістана. Праект накіраваны на ўдасканаленне кіравання дзяржаўнымі фінансамі з дапамогай аўтаматызацыі (алічбоўвання) усіх працэсаў аўдыту і павышэння якасці на кожным этапе працэсу аўдыту шляхам укаранення сістэмы кантролю якасці.

Асноўная мэта гэтага праекта заключаецца ў стварэнні камп'ютэрызаванай сістэмы арганізацыі правядзення аўдытаў, якая ахоплівае ўсе этапы, у тым ліку планаванне, кантроль за правядзеннем, фарміраванне справаздачнасці.

Выкарыстанне інфармацыйнага прадукта, на думку ВОА Пакістана, павысіць транспарэнтнасць, дакладнасць і аператыўнасць планавання, правядзення аўдытаў і рэалізацыі наступных мерапрыемстваў. Аналіз дадзеных з дапамогай праграмнага забеспячэння дазволіць атрымаць уяўленне аб правяраемых арганізацыях, а выяўленыя такім чынам вобласці рызыкі будуць спрыяць вызначэнню мэт і сферы ахопу аўдыту.

Удзельнікі вэбінара абмеркавалі перавагі ўкаранення інфармацыйных тэхналогій у сферу аўдыту, а таксама падзяліліся досведам выкарыстання падобных сістэм у сваіх краінах.

Даведачная інфармацыя
ЭКАСАІ - рэгіянальны форум вышэйшых органаў аўдыту рэгіёнаў Паўднёвай і Цэнтральнай Азіі, створаны ў 1994 годзе.  Усе навіны