У мерапрыемстве прыняў удзел Старшыня Камітэта дзяржаўнага кантролю Беларусі Васіль Герасімаў.
У ходзе пасяджэння падведзены вынікі сумеснай праверкі выканання ў 2022 годзе ўпаўнаважанымі органамі дзяржаў - членаў ЕАЭС Пратакола аб парадку залічэння і размеркавання сум увазных мытных пошлін (іншых пошлін, падаткаў і збораў, якія маюць эквівалентнае дзеянне).
Кантрольныя мерапрыемствы праводзіліся ў 2023 годзе ў кожнай з дзяржаў - членаў ЕАЭС. Упаўнаважанымі органамі, якія правяраліся, з'яўляліся міністэрствы фінансаў і казначэйства дзяржаў-членаў ЕАЭС. Падчас праверкі вывучалася наколькі поўна і своечасова ўпаўнаважаныя органы дзяржаў-членаў ЕАЭС пералічваюць сумы ўвазных мытных пошлін, якія падлягаюць размеркаванню паміж краінамі ЕАЭС, а таксама як выконваюцца ўпаўнаважанымі органамі ўстаноўленыя для кожнай дзяржавы-члена ЕАЭС нарматывы размеркавання сум увазных мытных пошлін.
Праверка паказала, што ў 2022 годзе паступленне ў бюджэты дзяржаў - членаў ЕАЭС сум увазных мытных пошлін склала 10,3 млрд. дол. ЗША. Паступленні ў бюджэт Рэспублікі Беларусь сум увазных мытных пошлін склалі 489,6 млн. дол. ЗША. Пры гэтым для Беларусі за 2022 год склалася станоўчае сальда сустрэчных патокаў сум увазных мытных пошлін паміж дзяржавамі-членамі ЕАЭС.
Упаўнаважанымі органамі дзяржаў - членаў ЕАЭС у цэлым забяспечана выкананне парадку размеркавання ўвазных мытных пошлін паміж краінамі ЕАЭС. Па выніках сумеснага кантрольнага мерапрыемства ў Рэспубліцы Беларусь парушэнняў не выяўлена.
Пасля заканчэння пасяджэння адбылася двухбаковая сустрэча Старшыні Камітэта дзяржкантролю Беларусі Васіля Герасімава з выконваючай абавязкі Старшыні Падліковай палаты Расійскай Федэрацыі Галінай Ізотавай. Абмеркаваны актуальныя пытанні міжведамаснага супрацоўніцтва, у тым ліку правядзенне ў рамках ХІ Форуму рэгіёнаў Беларусі і Расіі (чэрвень 2024 г.) мерапрыемстваў (панэльнай сесіі) кантрольных органаў дзвюх краін з удзелам тэрытарыяльных органаў КДК Беларусі і кантрольна-злічальных органаў Расіі.
Таксама ў рамках сустрэчы падпісаны План сумесных мерапрыемстваў Камітэта дзяржкантролю Беларусі і Падліковай палаты Расіі на 2024 год, які прадугледжвае правядзенне сумесных кантрольных мерапрыемстваў, семінараў па абмене вопытам і іншых мерапрыемстваў. Усе навіны
Cтаршыня Камітэта
Дэпартамент фінансавых расследаванняў
Дэпартамент фінансавага маніторынгу
Камітэты дзяржкантролю абласцей
