Навіны

У ходзе кантролю за эфектыўным выкарыстаннем зямель Камітэтам дзяржкантролю Мінскай вобласці ўстаноўлены закінуты зямельны ўчастак плошчай 7 га, размешчаны за 12 км ад Мінска ў рэкрэацыйнай зоне (лясным масіве). Участак знаходзіўся ў карыстанні ў аднаго з мінскіх ТАА і быў прадстаўлены для абслугоўвання набытых будынкаў і збудаванняў дзіцячага лагера.

Аднак з моманту выдзялення ўчастка і да гэтага часу мер па яго ўключэнню ў эканамічную дзейнасць і выкарыстанню па мэтаваму прызначэнню не прынята. Больш за тое, падчас агляду ўстаноўлена, што на тэрыторыі ўчастка не забяспечаны элементарны парадак (раскіданае смецце, участак зарос пустазельнай расліннасцю), размешчаныя на ім будынкі даведзены да стану, які прадстаўляе пагрозу бяспецы людзей (канструкцыі абрынуліся, доступ на тэрыторыю не абмежаваны і г.д.).

Улічваючы гэтыя акалічнасці, Камітэтам дзяржкантролю Мінскай вобласці было прапанавана Мінскаму аблвыканкаму прыняць меры рэагавання і сумесна выпрацаваць падыходы па выпраўленні сітуацыі.

У выніку ў чэрвені бягучага года Мінскім райвыканкамам прынята рашэнне аб адабранні ў камерцыйнай структуры гэтага зямельнага ўчастка. У далейшым будзе разгледжана пытанне аб уключэнні ўчастка ў эканоміку рэгіёну.

Праца па выяўленні фактаў безгаспадарлівасці працягваецца. КДК Мінскай вобласці вызначаны шэраг участкаў у Мінскім раёне, якія ў бліжэйшы час будуць агледжаны.

Звяртаем увагу, што ў адпаведнасці з Кодэксам Рэспублікі Беларусь аб зямлі, парушэнні пры выкарыстанні зямель і непрыняцце землекарыстальнікамі мер па іх устараненню з'яўляецца падставай для спынення права ўласнасці (прав карыстання) на ўчасткі, г.зн. падставай для іх адабрання.  Усе навіны