Беларусь на пасяджэнні прадставіў начальнік упраўлення Камітэта дзяржкантролю Мікалай Зеньчык з дакладам "Ацэнка эфектыўнасці мер па скарачэнні колькасці аб'ектаў звышнарматыўнага незавершанага будаўніцтва". Прадстаўнік КДК праінфармаваў удзельнікаў Рабочай групы аб прымаемых у рэспубліцы мерах па скарачэнні такіх аб'ектаў і расказаў аб магчымасцях вырашэння гэтай праблемы.
Камітэт дзяржкантролю з 2021 года каардынуе дзейнасць усіх зацікаўленых органаў у вырашэнні праблемы скарачэння колькасці даўгабудаў. На той час у краіне налічвалася амаль 4,5 тыс. аб'ектаў звышнарматыўнага незавершанага будаўніцтва. Па выніках праведзенага аналізу сітуацыі кантрольным ведамствам была прапанавана Канцэпцыя арганізацыі работы з такімі аб'ектамі на 2021-2025 гады. У адпаведнасці з канцэпцыяй работа выбудоўваецца па галіновым прынцыпе, дзе кожны дзяржаўны орган фарміруе і зацвярджае мерапрыемствы па скарачэнні падведамасных звышнарматыўных аб'ектаў і нясе адказнасць за іх выкананне. Таксама па выніках праведзенай інвентарызацыі звышнарматыўных аб'ектаў, вызначана патрэбнасць у іх, неабходныя аб'ёмы і крыніцы фінансавання для рэалізацыі запланаваных мерапрыемстваў па кожным аб'екце. Цяпер вядзецца работа па стварэнню адзінай інфармацыйнай сістэмы, якая аб'ядноўвае даныя аб усіх аб'ектах будаўніцтва на ўсіх этапах іх жыццёвага цыкла.
Дзякуючы праведзенай працы колькасць звышнарматыўных аб'ектаў скарацілася на 76% - на 1 красавіка 2023 года працягвае заставацца 1067 даўгабудаў з ліку тых, што былі на пачатак 2021 года.
Мікалай Зеньчык адзначыў, што Камітэт дзяржкантролю стаў у рэспубліцы драйверам работы па скарачэнні аб'ектаў звышнарматыўнага будаўніцтва, пастаянна кантралючы гэты працэс і ўплываючы на сітуацыю. "Кожны звышнарматыўны аб'ект сёння знаходзіцца на ўліку і ёсць разуменне як давесці да лагічнага завяршэння гэту работу", - падагульніў прадстаўнік КДК.
На пасяджэнні выступілі іншыя члены Рабочай групы. У прыватнасці, Прэзідэнт ВОА Ірана, Прэзідэнт ЭКАСАІ Сейед Ахмадрэза Дастгейб праінфармаваў аб вопыце і падыходах ВОА Ірана ў сферы аўдыту ЦУР.
Таксама заслуханы даклады па аўдыце сістэмы аховы здароўя ў кантэксце мер COVID-19 (ВОА Кувейта); аўдыту праграмы кіравання цвёрдымі адходамі (ВОА Філіпін); па пытаннях устойлівага развіцця гарадоў і супольнасцяў (ВОА Алжыра); а таксама сістэмы кіравання дзяржаўнымі фінансамі (сакратарыят АФРАСАІ). Спецыялісты азнаёміліся з ініцыятывай "Кліматычны сканер", прадстаўленай ВОА Бразіліі, і прыкладамі аўдыту рэалізацыі ЦУР у Марока.
У канцы пасяджэння ўдзельнікі абмеркавалі План дзеянняў Рабочай групы па ЦУР і ключавых паказчыках устойлівага развіцця на 2023-2024 гады. Усе навіны
Cтаршыня Камітэта
Дэпартамент фінансавых расследаванняў
Дэпартамент фінансавага маніторынгу
Камітэты дзяржкантролю абласцей
