Навіны

Выязное пасяджэнне калегіі Камітэта дзяржкантролю, на якім разгледжаны ход выканання даручэнняў Кіраўніка дзяржавы па развіццю Аршанскага раёна, прайшло 14 верасня 2022 года ў Оршы. Мерапрыемства правёў кіраўнік кантрольнага ведамства Васіль Герасімаў. Для ўдзелу ў пасяджэнні калегіі былі запрошаны віцэ-прэм'ер Пётр Пархомчык і старшыня Віцебскага аблвыканкама Аляксандр Субоцін.

Са справаздачамі аб выкананні мерапрыемстваў Праграмы развіцця Аршанскага раёна выступілі кіраўнікі міністэрстваў прамысловасці, сельскай гаспадаркі і харчавання, транспарту, архітэктуры і будаўніцтва.

Старшыня Камітэта дзяржкантролю Васіль Герасімаў адзначыў, што яшчэ ў 2017 годзе Кіраўніком дзяржавы была пастаўлена задача істотна палепшыць сітуацыю ў Оршы, на працягу кароткага прамежку часу забяспечыць нармальнае функцыянаванне эканомікі Аршанскага раёна, сканцэнтраваўшы асаблівыя намаганні на развіцці прамысловых прадпрыемстваў.

На фінансаванне прадугледжаных Праграмай развіцця Аршанскага раёна мерапрыемстваў з 2018 года накіравана 2 млрд. руб. бюджэтных сродкаў і ўласных сродкаў арганізацый і прадпрыемстваў.

Прынятыя меры дазволілі значна нарасціць прамысловы патэнцыял Аршанскага раёна (на прадпрыемствах рэалізуюцца значныя для краіны інвестпраекты, пабудаваны новыя цэхі, набыта сучаснае абсталяванне) і развіць сацыяльную інфраструктуру.

У той жа час калегіяй адзначаны праблемныя пытанні, якія перашкаджаюць эфектыўнай рэалізацыі Праграмы. Цяпер з 353 мерапрыемстваў праграмы выканана толькі 138.

«Па факце маем невыкананне даручэння Кіраўніка дзяржавы па выхадзе Аршанскага раёна на тэмпы росту вышэй за сярэднеабласныя. Не вырашаны пытанні занятасці насельніцтва і заработнай платы. Вырасла датацыйнасць бюджэту Аршанскага раёна. Дадзеныя льготы не стымулявалі прытоку працоўнай сілы і стварэння новых прадпрыемстваў», - падкрэсліў Васіль Герасімаў.

У цэлым, не дасягнуты запланаваныя аб'ёмы прамысловай вытворчасці і экспарту тавараў. Так, на 11 з 14 прамысловых прадпрыемствах не прагназуецца выкананне ў 2022 годзе шэрага даведзеных мэтавых паказчыкаў.

Значныя сродкі ўкладзены ў рэалізацыю мерапрыемстваў падпраграмы "Аграпрамысловы комплекс". Ёсць вынік - пабудаваны новы цэх забою жывёлы ў ААТ "Аршанскі мясакансервавы камбінат", уведзена сучасная малочнатаварная ферма "Чурылава" на 2000 галоў дойнага статка і інш.

У той жа час устаноўлены Праграмай тэмп росту вытворчасці прадукцыі сельскай гаспадаркі ў Аршанскім раёне не забяспечаны, што стала вынікам незахавання тэхналогіі вытворчасці сельгаспрадукцыі і не завяршэння рэалізацыі буйных інвестпраектаў.

Старшыня КДК адзначыў, што асноўная задача сённяшняга пасяджэння калегіі - прадметна і прынцыпова абмеркаваць праблемныя пытанні развіцця Аршанскага раёна, выканання даручэнняў Прэзідэнта і выпрацаваць алгарытм далейшых дзеянняў, у тым ліку ацаніць здольнасць кадраў вырашаць пастаўленыя задачы.

"Сёння патрэбны рэальны вынік па канкрэтных прадпрыемствах і мэтанакіраваная работа ўсёй вертыкалі ўлады", - падкрэсліў Васіль Герасімаў.

Канкрэтныя прапановы па павышэнні эфектыўнасці рэалізацыі праектаў разгледжаны па кожным з прадпрыемстваў, уключаных у Праграму. Калегія пастанавіла забяспечыць прыняцце мер па скарачэнні адставання рэалізацыі інвестпраектаў. Персанальную адказнасць за гэта будуць несці кіраўнікі міністэрстваў, старшыні Віцебскага аблвыканкама і Аршанскага райвыканкама. Унесены прапановы аб прыцягненні да адказнасці (аж да вызвалення ад пасады) па асобных кіраўніках прадпрыемстваў Аршанскага раёна, якія не выканалі даведзеныя паказчыкі і заданні.

Пасля заканчэння пасяджэння кіраўнік КДК вывучыў сітуацыю на шэрагу прадпрыемстваў рэгіёну: ён азнаёміўся з работай ААТ "Завод ПАК", Аршанскага мясакансервавага камбіната, ААТ "Амкадор-КЭЗ", а таксама наведаў пляцоўку прадпрыемства з поўным цыклам паглыбленай перапрацоўкі драўніны ў пасёлку Коханава.   Усе навіны