Ва ўласнасці гэтай сям'і знаходзілася больш за 65 аб'ектаў нерухомай маёмасці, у тым ліку буйны гандлёвы цэнтр, адзін з рынкаў горада, складскія памяшканні.
З мэтай ухілення ад выплаты падаткаў галава сямейства, зарэгістраваны ў якасці індывідуальнага прадпрымальніка, арганізаваў рэгістрацыю яшчэ 6 узаемазалежных і падкантрольных суб'ектаў гаспадарання, якія займаліся тым жа відам дзейнасці, пры гэтым прымянялі спецыяльны рэжым падаткаабкладання. Паміж гэтымі суб'ектамі гаспадарання бізнесмен штучна размеркаваў гандлёвыя аб'екты і атрыманую ад іх здачы ў арэнду выручку.
Фінансавай міліцыяй быў устаноўлены цэлы шэраг прыкмет, якія паказваюць на наяўнасць супрацьпраўнай схемы мінімізацыі падаткаў: кампаніі вялі агульны бізнес, кіраванне іх дзейнасцю фактычна ажыццяўлялася адной асобай, офісныя памяшканні ўсіх суб'ектаў гаспадарання знаходзіліся па адным юрыдычным адрасе і іншыя.
У выніку неабгрунтаванага выкарыстання льготнага рэжыму падаткаабкладання бізнесмен ухіліўся ад выплаты падаткаў на агульную суму не менш як 2,5 млн. руб.
У дачыненні да яго і 4 саўдзельнікаў супрацьпраўнай дзейнасці ўпраўленнем Дэпартамента фінансавых расследаванняў КДК па Віцебскай вобласці распачата крымінальная справа па прыкметах злачынства, прадугледжанага ч.3 арт.243 (ухіленне ад выплаты падаткаў, збораў). Праведзены 8 вобыскаў, накладзены арышт на 65 аб'ектаў нерухомай маёмасці падазраваных агульным коштам 94,8 млн. руб.
Кіраўнік супрацьпраўнай схемы затрыманы.
Зараз падазроныя па крымінальнай справе даюць прызнальныя паказанні. Прымаюцца меры па кампенсацыі прычыненага ўрону. У добраахвотным парадку імі пералічана ў бюджэт 330 тыс.руб. Усе навіны
Cтаршыня Камітэта
Дэпартамент фінансавых расследаванняў
Дэпартамент фінансавага маніторынгу
Камітэты дзяржкантролю абласцей
