Упраўленнем Дэпартамента фінансавых расследаванняў Камітэта дзяржкантролю па Брэсцкай вобласці спынена супрацьпраўная дзейнасць брэсцкага ТАА па рамонце камп'ютараў і перыферыйнага абсталявання.
Устаноўлена, што для мінімізацыі выплаты падаткаў у бюджэт службовыя асобы кампаніі ў 2018 годзе арганізавалі рэгістрацыю трох работнікаў таварыства ў якасці індывідуальных прадпрымальнікаў. Пазней з гэтымі «прадпрымальнікамі» ТАА заключала фіктыўныя дамовы на аказанне паслуг, якія фактычна імі не аказваліся. Гэта прывяло да неабгрунтаванага павелічэння затрат прадпрыемства, а таксама заніжэння падатковай базы падатку на прыбытак.
Грашовыя сродкі за нібы аказаныя паслугі, якія паступалі на рахункі «прадпрымальнікаў», пасля здымаліся наяўнасцю і накіроўваліся на выплату зарплаты «ў канвертах» работнікам таварыства і выдаткі кіраўніцтва кампаніі.
Падатак на прыбытак, а таксама падаходны падатак з фiзiчных асоб пры такой схеме выплачваўся не ў поўным аб'ёме. У выніку дзяржава недаатрымала больш за 150 тыс. рублёў.
На дырэктара і галоўнага бухгалтара таварыства ўзбуджаны крымінальныя справы.
Усе навіны