Комитет государственного контроля Республики Беларусь
Прэс-цэнтр

Навіны

04.11.2021 Больш за 360 тыс. рублёў недаплацілі ў бюджэт гродзенскія камерсанты за кошт неабгрунтаванага прымянення падатковых прэферэнцый

Упраўленнем Дэпартамента фінансавых расследаванняў Камітэта дзяржкантролю па Гродзенскай вобласці спынена дзейнасць двух жыхароў Гродна, якія неабгрунтавана карысталіся падатковымі прэферэнцыямі.
Як устанавілі работнікі фінансавай міліцыі, зарэгістраванае ў 2008 годзе таварыства з абмежаванай адказнасцю ажыццяўляла дзейнасць па рэалізацыі міжпакаёвых і ўваходных дзвярэй. Пасля для незаконнай мінімізацыі падаткаў два гродзенцы, якія фактычна кіравалі фірмай, размяркоўвалі атрыманую ў 2019-2020 гадах выручку паміж прадпрыемствам і трыма суб'ектамі гаспадарання, якія прымянялі спрошчаную сістэму падаткаабкладання. Прычым гэтыя тры суб'екты толькі імітавалі самастойную рэалізацыю міжпакаёвых і ўваходных дзвярэй, паколькі фактычна ўся дзейнасць ажыццяўлялася гродзенскім таварыствам з абмежаванай адказнасцю.
У выніку неабгрунтаванага прымянення спрошчанай сістэмы падаткаабкладання ў бюджэт недаплачана больш за 360 тыс. рублёў падаткаў.
Па факце ўхілення ад выплаты падаткаў у дачыненні да абодвух фігурантаў узбуджана крымінальная справа па ч. 2 арт. 243 Крымінальнага кодэкса.
Падчас вобыскаў канфіскаваны дакументы, аргтэхніка, чарнавыя запісы і іншыя доказы супрацьпраўнай дзейнасці. На маёмасць падазроных, у тым ліку тры машыны, накладзены арышт.
© Камітэт дзяржаўнага кантролю Рэспублікі Беларусь, 2011-2020 г.
Дызайн і распрацоўка: БЕЛТА
Распрацоўка версій сайта:
Група кампаній «ЦВР «Кастрычніцкі»