Навіны

Фінальны этап Міжнароднай алімпіяды па фінансавай бяспецы, у якой прынялі ўдзел студэнты Беларускага дзяржаўнага ўніверсітэта і Беларускага дзяржаўнага эканамічнага ўніверсітэта, завяршыўся ў г.Сочы (Расійская Федэрацыя). Ініцыятарам правядзення алімпіяды выступіла Федэральная служба па фінансавым маніторынгу Расіі. Каардынатарам алімпіяды ад Беларусі з'яўляўся Дэпартамент фінансавага маніторынгу Камітэта дзяржкантролю.
Удзельнікамі сочынскага інтэлектуальнага спаборніцтва сталі больш за 500 школьнікаў і студэнтаў з Расіі, Беларусі, Кыргызстана, Казахстана, Таджыкістана, Туркменістана, Узбекістана, Індыі. Нашу краіну на Алімпіядзе прадстаўлялі 9 студэнтаў БДУ і БДЭУ, якія ўваходзяць у Міжнародны сеткавы інстытут у сферы процідзеяння адмыванню грошай і фінансаванню тэрарызму (ПАГ / ФТ). Удзельнікі спаборнічалі па 4 напрамках: эканоміка, фінансы і крэдыт, эканамічная бяспека; юрыспрудэнцыя; інфармацыйная бяспека; міжнародныя адносіны.
Па выніках выкананых заданняў беларуская каманда заваявала 4 узнагароды. Пераможцамі сталі: у дысцыпліне «эканоміка, фінансы і крэдыт, эканамічная бяспека» - Марына Шарпіла (БДУ), у дысцыпліне «міжнародныя адносіны» - Уладзіслаў Панеженка (БДЭУ). Прызёрам і ўладальнікам дыплома II ступені ў дысцыпліне «эканоміка, фінансы і крэдыт, эканамічная бяспека» прызнаны Дзмітрый Радзюк (БДУ). Прызёрам кiбертурнiра па правядзенні фінансавага расследавання стала Карына Цяцярукова (БДУ).
Таксама падчас алімпіяды адбылося 18-е пасяджэнне Савета кіраўнікоў падраздзяленняў фінансавай разведкі дзяржаў - удзельніц СНД і 15-е пасяджэнне Міжнароднага сеткавага інстытута ў сферы ПАГ / ФТ. Усе навіны