Факты супрацьпраўнай дзейнасці выяўлены ўпраўленнем Дэпартамента фінансавых расследаванняў Камітэта дзяржкантролю па Магілёўскай вобласці пры праверцы магілёўскага таварыства з абмежаванай адказнасцю.
Для незаконнай мінімізацыі падаткаў дырэктар арганізаваў і выкарыстоўваў «шэрую» схему па куплі-продажы беларускай прадукцыі (гадзінікі, адзенне, тэкстыльная прадукцыя, шпалеры) з выкарыстаннем расійскіх пасрэдніцкіх структур.
Так, цягам 2021-2023 гг. кампанія набывала ў беларускіх прадпрыемстваў тавары, якія пасля з нязначнай нацэнкай нібыта пастаўляліся ў адрас падкантрольных пасрэдніцкіх расійскіх кампаній, пасля чаго ўжо ад гэтых кампаній і з нацэнкай да 300% прадаваліся праз электронныя гандлёвыя пляцоўкі Wildberries і Ozon.
Фактычна фірмы-пасрэднікі былі ўключаныя ў ланцужок толькі для афармлення здзелак куплі-продажу, а самі тавары не пакідалі тэрыторыю Беларусі і пасля іх заказу пакупнікамі маркетплэйсаў накіроўваліся ў пункты выдачы заказаў са склада магілёўскага прадпрыемства.
За кошт выкарыстання гэтай схемы розніца ў кошце тавараў асядала на рахунках расійскіх фірм-пасрэднікаў, а беларуская кампанія штучна заніжала выручку і не плаціла падаткі ў бюджэт.
Акрамя таго, таварыства паспрабавала незаконна вярнуць з бюджэту падатак на дабаўленую вартасць, прычыніўшы гэтым урон дзяржаве на суму звыш 1,2 млн. рублёў.
Па фактах ухілення ад выплаты падаткаў і падатковага махлярства ў дачыненні да дырэктара таварыства распачаты крымінальныя справы па ч. 2 арт. 243 і ч. 2 арт. 243-2 Крымінальнага кодэкса Рэспублікі Беларусь.
Нанесены дзяржаве ўрон кампенсаваны ў поўным аб'ёме.
Уся актуальная інфармацыя - у тэлеграм-канале КДК
Усе навіны