На нараду быў вынесены праект Указа, які прадугледжвае карэкціроўку нарматыўна-прававых актаў у гэтай сферы.
Кіраўнік дзяржавы заслухаў прапановы, выкладзеныя ў падрыхтаваным праекце Указа, і па выніках нарады даручыў Ураду і губернатарам канчаткова дапрацаваць дакумент. Пасля заключэння Камітэта дзяржкантролю па дапрацаванаму праекту ён зноў будзе ўнесены на разгляд Кіраўніка дзяржавы. На гэту работу адведзены тэрмін да жніўня бягучага года.
Па выніках нарады Васіль Герасімаў расказаў журналістам аб дапрацоўцы дакумента.
«Я б не разглядаў гэта за пэўныя паслабленні. Праект Указа змяшчае палажэнні, якія як узмацняюць кантрольную дзейнасць, так і накіраваныя на яе ўпарадкаванне», - адзначыў Старшыня Камітэта дзяржкантролю.
Узмацненне датычыцца ў большай ступені праверак. Напрыклад, некаторыя суб'екты гаспадарання пачалі карыстацца двухгадовым мараторыем на правядзенне праверак. З прыняццем Указа, калі будзе бачна, што суб'ект парушае, тады дапушчальна правядзенне праверкі.
Упарадкаванне ў большай ступені датычыцца маніторынгаў і тэхнічных мерапрыемстваў.
«Я б не сказаў, што гэты дакумэнт носіць нейкі рэвалюцыйны характар. Ён упарадкоўвае. Як было адзначана Кіраўніком дзяржавы, там, дзе не трэба ўмешвацца ў дзейнасць суб'ектаў гаспадарання, мы гэта рабіць не павінны. Але там, дзе мы павінны ажыццяўляць кантроль, яны павінныя ведаць, што пры парушэнні заканадаўства адказнасць будзе адпаведнай», - падвёў вынікі Старшыня КДК.
Уся актуальная інфармацыя - у тэлеграм-канале КДК Усе навіны
Cтаршыня Камітэта
Дэпартамент фінансавых расследаванняў
Дэпартамент фінансавага маніторынгу
Камітэты дзяржкантролю абласцей
