У рамках пленарнага тыдня адбудуцца пасяджэнні рабочых груп, 40-е пленарнае пасяджэнне ЕАГ, III Форум парламентарыяў дзяржаў-членаў ЕАГ, а таксама шэраг сустрэч і тэматычных мерапрыемстваў.
На пленарным пасяджэнні будуць абмяркоўвацца меры па барацьбе з трансгранічнай злачыннасцю, разгледжаны нацыянальны і міжнародны вопыт выяўлення і прадухілення актуальных рызык і пагроз у сферы супрацьдзеяння адмыванню грошай, фінансаванню тэрарызму і фінансаванню распаўсюджвання зброі масавага знішчэння (ПАД/ФТ/ФРОМУ).
У рамках пасяджэнняў тыднёвай дыскусіі чакаецца зацвярджэнне бюджэту ЕАГ на 2025 год, новых правілаў правядзення адзнак «антыадмывачных» сістэм дзяржаў - удзельніц ЕАГ у наступным раундзе, які стартуе ўжо з 2025 года, а таксама чарговасць праходжання адзнак дзяржавамі - членамі ЕАГ.
Удзельнікі Форуму парламентарыяў дзяржаў-членаў ЕАГ абмяркуюць прававыя аспекты сферы ПАД/ФТ/ФРОМУ, абмяняюцца практыкамі ўдасканалення антыадмывачнага заканадаўства, а таксама разгледзяць пытанні распрацоўкі мер па ўдасканаленні прававой базы, рэгуляванні лічбавых валют, новых тэхналогій і фінансавых інавацый.
У Пленарным тыдні ЕАГ удзельнічаюць больш за 200 прадстаўнікоў дзяржаў - членаў ЕАГ і назіральнікаў. Ад Рэспублікі Беларусь прымаюць удзел прадстаўнікі Камітэта дзяржаўнага кантролю, Генеральнай пракуратуры, Нацыянальнага банка, Міністэрства ўнутраных справаў.
Уся актуальная інфармацыя - у тэлеграм-канале КДК Усе навіны
Cтаршыня Камітэта
Дэпартамент фінансавых расследаванняў
Дэпартамент фінансавага маніторынгу
Камітэты дзяржкантролю абласцей
