Навіны

Старшыня Камітэта дзяржаўнага кантролю Леанід Анфімаў 20 студзеня 2020 года наведаў ААТ «Камволь», азнаёміўся з праведзенай на прадпрыемстве мадэрнізацыяй і планамі па стварэнні на яго плошчах суконнай вытворчасці.

Кіраўнік кантрольнага ведамства абмеркаваў з кіраўніцтвам канцэрна «Беллегпрам» і ААТ «Камволь» праблемныя пытанні дзейнасці прадпрыемства. Дадзены даручэнні па павышэнні эфектыўнасці работы ААТ «Камволь».

Дасягненне запланаваных паказчыкаў развіцця прадпрыемства і рэалізацыя праекта па стварэнні суконнай вытворчасці ўзяты Камітэтам дзяржкантролю на пастаянны кантроль.

Стварэнне вытворчасці суконных тканін магутнасцю 1 млн. пагонных метраў у год на плошчах ААТ «Камволь», вызваленых у выніку мадэрнізацыі прадпрыемства, прадугледжана Указам Прэзідэнта Рэспублікі Беларусь ад 31 снежня 2019 года № 505.

Улічваючы сціснутыя тэрміны рэалізацыі праекта (запуск суконнай вытворчасці плануецца ў 2022 годзе, выхад на праектную магутнасць – у 2024 годзе), па прапанове Камітэта дзяржкантролю створана міжведамасная рабочая група, у склад якой уключаны кіраўнікі канцэрна «Беллегпрам», ААТ «Камволь», ААТ «Сукно», ААТ «Беллегпрампраект», адміністрацыі Ленінскага раёна г. Мінска, УП «УКБ Мінгарвыканкама». Распрацаваны план мерапрыемстваў па рэалізацыі Указа № 505.  Усе навіны