Падведзены вынікі па ўсіх напрамках дзейнасці Камітэта. Гэта вынікі работы кантралёраў па пытаннях бюджэтна-фінансавай і сацыяльнай сферы, выкарыстання дзяржаўнай уласнасці, работы аграпрамысловага, прамысловага, транспартнага і энергетычнага комплексаў, будаўніцтва, жыллёва-камунальнай гаспадаркі і іншых пытанняў. У цэнтры ўвагі КДК па-ранейшаму застаецца выяўленне і спыненне супрацьпраўных дзеянняў у эканамічнай сферы.
Прыярытэтны напрамак дзейнасці КДК - кантроль за своечасовым і якасным выкананнем даручэнняў Кіраўніка дзяржавы, якія закранаюць усе сферы жыццядзейнасці дзяржавы і вырашэнне актуальных пытанняў, якія хвалююць жыхароў краіны.
Асаблівая ўвага надаецца выпрацоўцы рэкамендацый і прапаноў па паляпшэнні працы эканомікі і прадпрыемстваў. Асноўная мэта - апярэджанне парушэнняў, выяўленне рэзерваў, ухіленне негатыўных тэндэнцый.
Таксама на пасяджэнні калегіі падведзены прамежныя вынікі тэматычных кантрольна-аналітычных мерапрыемстваў, якія праводзяцца КДК абласцей.
У прыватнасці, удзелена ўвага пытанням развіцця рэгіёнаў, павышэння якасці жыцця насельніцтва, захавання дзяржаўных сацыяльных стандартаў, асабліва ў сельскай мясцовасці.
Разгледжаны пытанні ліквідацыі наступстваў урагану, які прайшоў у ліпені, у тым ліку кантролю за распрацоўкай ветравальна-бураломных участкаў лесу ва ўстаноўленыя тэрміны, а таксама за правядзеннем лесааднаўлення на лесасеках пасля правядзення суцэльных санітарных высечак.
У фокусе ўвагі кантралёраў – фарміраванне цэн, у першую чаргу, на тавары сацыяльнай групы, стан спажывецкага рынку.
Адно з цэнтральных пытанняў - праца са зваротамі грамадзян (у першым паўгоддзі 2024 г. у органы Камітэта паступіла 5062 зваротаў).
Таксама ўдзельнікі мерапрыемства абмеркавалі перспектывы развіцця інфармацыйных рэсурсаў Камітэта дзяржкантролю.
Па выніках пасяджэння калегіі вызначаны прыярытэтныя напрамкі кантрольна-аналітычнай дзейнасці КДК на другое паўгоддзе 2024 года.
Органамі Камітэта ў першым паўгоддзі 2024 года праведзена 242 праверкі, 11 аўдытаў эфектыўнасці. У рамках мерапрыемстваў папераджальнага характару, у тым ліку па прафілактыцы правапарушэнняў, праведзена 250 маніторынгаў, па матэрыялах якіх суб'ектам гаспадарання выдадзены рэкамендацыі па ўстараненню выяўленых недахопаў і далейшаму ўдасканаленню дзейнасці.
Уся актуальная інфармацыя - у тэлеграм-канале КДК Усе навіны
Cтаршыня Камітэта
Дэпартамент фінансавых расследаванняў
Дэпартамент фінансавага маніторынгу
Камітэты дзяржкантролю абласцей
