Па традыцыі прадстаўнікі Камітэта дзяржкантролю ў Дзень ведаў наведалі сельскую школу. На гэты раз - Петкавіцкую СШ Дзяржынскага раёна, якой у лістападзе гэтага года споўніцца 105 гадоў.
Сёння тут вучыцца 140 школьнікаў, а ў першы клас сёлета пайшлі 14 дзяцей. Кожны з іх атрымаў у падарунак кнігу «Беларусь – наша Радзіма», а таксама пенал з канцылярскімі прыладамі. Не засталася без падарункаў і школа - прадстаўнікі кантрольнага ведамства перадалі ёй каляровы прынтэр і набор спартыўных мячоў.
З пажаданнямі да навучэнцаў, іх бацькоў і педагогаў звярнуўся першы намеснік Старшыні Камітэта дзяржкантролю Дзмітрый Баско:
- Сёння хвалюючы для кожнага ўдзельніка лінейкі дзень. І найперш для нашых першакласнікаў. Кожны з нас памятае свой першы дзень, калі пайшоў у школу, свайго першага настаўніка. Многія, пасталеўшы, ужо самі аддаюць сваіх дзяцей у першы клас. А можа ўжо і не першае дзіця вядуць вучыцца. І ўсё роўна кожны раз гэтая падзея хвалюе і рабят, і іх бацькоў.
Перад пачаткам лінейкі Дзмітрый Баско азнаёміўся з умовамі навучання ў Петкавіцкай СШ, а таксама наведаў урок у першым класе. Акрамя абсталяваных навучальных кабінетаў, у школе ёсць кабінеты харэаграфіі і лінгафонная, спартыўная і трэнажорная залы (у тым ліку для вучняў малодшых класаў), хобі-цэнтр і майстэрні.
Уся актуальная інфармацыя - у тэлеграм-канале КДК
Усе навіны