З дакладам на канферэнцыі выступіў намеснік Старшыні КДК Андрэй Лабовіч. У рамках свайго выступлення намеснік Старшыні Камітэта дзяржкантролю акцэнтаваў увагу на ўзаемадзеянні органаў дзяржаўнага кантролю Беларусі і Расіі.
«Супрацоўніцтва паміж органамі знешняга дзяржаўнага кантролю (аўдыту) Беларусі і Расіі, у тым ліку на міжрэгіянальным узроўні, дынамічна ўмацоўваецца па ўсіх напрамках. У сучасных рэаліях гэта мае асаблівую каштоўнасць», - падкрэсліў Андрэй Лабовіч.
Намеснік Старшыні КДК расказаў аб сумесных мерапрыемствах, якія праводзяцца кантрольнымі органамі дзвюх краін, у тым ліку на міжрэгіянальным узроўні, а таксама падзяліўся планамі на бліжэйшую будучыню:
- У рамках XI Форуму рэгіёнаў Беларусі і Расіі (адбудзецца ў г.Віцебску) пройдзе спецыяльная панэльная сесія кантрольных органаў Беларусі і Расіі (у тым ліку рэгіянальных). Асноўная тэма сесіі - інавацыі як важнейшы фактар эканамічнай бяспекі Саюзнай дзяржавы. Таксама пройдзе круглы стол па запатрабаваных ва ўмовах знешніх інфармацыйных выклікаў пытаннях адкрытасці органаў дзяржаўнага кантролю (аўдыту) і іх сувязь з грамадзянамі. Акрамя таго, плануецца падпісанне 4-х пагадненняў аб супрацоўніцтве паміж абласнымі камітэтамі дзяржаўнага кантролю Беларусі і кантрольна-злічальнымі палатамі рэгіёнаў Расіі.
Таксама на канферэнцыі выступілі кіраўніцтва Падліковай палаты Расіі, Кантрольна-злічальнай палаты Масквы, ВОА Манголіі, Дзяржаўнай Думы і Савета Федэрацыі Федэральнага Сходу Расійскай Федэрацыі, Федэральнага казначэйства.
На палях форуму абмеркаваны пытанні супрацоўніцтва паміж тэрытарыяльнымі органамі КДК Беларусі і кантрольна-злічальнымі органамі рэгіёнаў Расійскай Федэрацыі.
Акрамя таго, прадстаўнікі беларускай дэлегацыі прынялі ўдзел у «Міжнароднай канферэнцыі па павышэнні эфектыўнасці знешнеэканамічнай дзейнасці: роля інстытутаў фінансавага кантролю». У яе рамках удзельнікі абмяняліся досведам па фармаванні эфектыўных інстытутаў і механізмаў падтрымкі прадпрыемстваў і арганізацый на знешніх рынках у бягучых умовах.
Таксама на палях канферэнцыі адбылася рабочая сустрэча дэлегацый Камітэта дзяржкантролю Беларусі і вышэйшага органа аўдыту Манголіі.
Уся актуальная інфармацыя - у тэлеграм-канале КДК Усе навіны
Cтаршыня Камітэта
Дэпартамент фінансавых расследаванняў
Дэпартамент фінансавага маніторынгу
Камітэты дзяржкантролю абласцей
