Камітэтам дзяржкантролю працягваецца праца па вывучэнні пытанняў паўнаты адпрацоўкі выпускнікамі ўстаноў вышэйшай і сярэдняй спецыяльнай адукацыі абавязковага тэрміна працы па размеркаванні.
Так, КДК Гомельскай вобласці выяўлена, што ў шэрагу ВНУ і ССНУ рэгіёну не быў забяспечаны належны кантроль за выкананнем выпускнікамі ўстаноўленага тэрміну адпрацоўкі. Акрамя таго, асобныя ўстановы адукацыі не забяспечылі зваротную сувязь з наймальнікамі, да якіх размяркоўваліся выпускнікі, у тым ліку пры іх звальненні з-за невыканання працоўнага заканадаўства (напрыклад, за прагулы).
Усяго ў рэгіёне ўстаноўлена больш за 30 выпускнікоў, якія не адпрацавалі належны тэрмін і не пакрылі ў бюджэт каля 300 тыс. рублёў, затрачаных дзяржавай на іх падрыхтоўку і навучанне.
Прынятыя абласным Камітэтам дзяржкантролю і ўстановамі адукацыі меры дазволілі спагнаць у бюджэт больш за 120 тыс. рублёў. Зварот астатніх затрачаных дзяржавай сродкаў застаецца на кантролі.
Аналагічная работа Камітэтам дзяржкантролю сумесна з установамі адукацыі праводзіцца і ў іншых рэгіёнах рэспублікі. Напрыклад, у бюджэт спагнана 76 тыс. рублёў, затрачаных дзяржавай на падрыхтоўку выпускнікоў дзвюх сталічных ВНУ, якія не адпрацавалі тэрмін абавязковай работы пасля размеркавання.
У адпаведнасці з Кодэксам Рэспублікі Беларусь аб адукацыі выпускнікі, якім месца працы прадастаўлена шляхам размеркавання або накіравання, абавязаны адпрацаваць тэрмін абавязковай работы (для выпускнікоў ВНУ гэты тэрмін складае 2 гады, пры падрыхтоўцы па мэтавым наборы - 5 гадоў, для выпускнікоў ССНУ - 3 гады).
У выпадку неадпрацоўкі выпускнікамі ўстаноўленага заканадаўствам тэрміну абавязковай работы яны абавязаны кампенсаваць у рэспубліканскі і (або) мясцовыя бюджэты сродкі, затрачаныя дзяржавай на іх падрыхтоўку.
Уся актуальная інфармацыя - у тэлеграм-канале КДК
Усе навіны