У алімпійскім спарткомплексе "Стайкі" адбылася спартакіяда органаў Камітэта дзяржаўнага кантролю.
У спаборніцтвах прынялі ўдзел 7 каманд: зборныя абласных камітэтаў дзяржкантролю і ўпраўленняў Дэпартамента фінансавых расследаванняў, а таксама каманда цэнтральнага апарата КДК.
На працягу двух дзён былі разыграны медалі ў 9 відах спорту, у т.л. у міні-футболе, перацягванні каната, дартсе, шашках, крос-біятлоне, настольным тэнісе, гіравым спорце, стральбе з пнеўматычнага пісталета, конкурсе "Выдатны баскетбаліст".
Пераможцам спаборніцтваў стала каманда цэнтральнага апарата Камітэта дзяржкантролю.
Упартая барацьба разгарнулася за сярэбраныя і бронзавыя ўзнагароды. Яснасць у размеркаванне медалёў унёс толькі апошні від праграмы - перацягванне каната. У выніку срэбра дасталася зборнай Магілёўскай вобласці, а бронза - камандзе Гомельскай вобласці.
У дадатак да спартыўнай праграмы спартакіяды таксама адбыўся конкурс мастацкай самадзейнасці. Кожная з абласцей прапанавала арыгінальны нумар.