Работнікі Камітэта дзяржкантролю на чале з кіраўніком ведамства Васілём Герасімавым прынялі ўдзел у рэспубліканскім суботніку.
Прадстаўнікі кантрольнага ведамства ажыццявілі пасадку леса ў Станькаўскім лясніцтве. Саджанцы хвоі і бярозы высаджаны на плошчы 2,5 гектара.
Таксама ад сухіх галінак і хмызняку прыбрана тэрыторыя ваенна-гістарычнага комплексу "Партызанскі лагер", які размяшчаецца ў в.Станькава Дзяржынскага раёна. Падчас вайны на гэтым месцы размяшчаўся партызанскі лагер, а сёння - яго рэканструкцыя, выкананая ў строгай адпаведнасці з дакументальнымі крыніцамі.
Акрамя таго, у рамках суботніка ад лістоты і смецця ўбрана паркавая зона Сляпянскай воднай сістэмы ў Мінску. Тут жа высаджаны маладыя дрэвы.
Таксама ў суботніку прынялі ўдзел работнікі абласных камітэтаў дзяржкантролю і ўпраўленняў Дэпартамента фінансавых расследаванняў.
Усе навіны