Камітэтам дзяржкантролю Магілёўскай вобласці і абласным УДФР ва ўзаемадзеянні з аблінспекцыяй аховы жывёльнага і расліннага свету выяўлена незаконная высечка ветравальна-бураломнай драўніны ў лясным фондзе Быхаўскага лясгаса. «Пераруб» дапусцілі работнікі Бабруйскага лясгаса, якія аказваюць быхаўскім калегам дапамогу ва ўборцы лесу.
Спрабуючы пазбегнуць адказнасці за незаконную высечку драўніны, майстар Бабруйскага лясгаса ўнёс недакладныя звесткі ў таварна-транспартную накладную, а таксама неаднаразова ўносіў выпраўленні ў Адзіную дзяржаўную аўтаматызаваную інфармацыйную сістэму ўліку драўніны і здзелак з ёй (АДАІС).
Па выяўленых фактах службовай падробкі ў дачыненні да майстра Бабруйскага лясгаса ўзбуджана крымінальная справа.
Да адміністрацыйнай адказнасці за незаконныя рубкі прыцягнуты 2 службовыя асобы Бабруйскага лясгаса.