Пінскай фінансавай міліцыяй сумесна з Пінскім міжраённым камітэтам дзяржкантролю спынена супрацьпраўная дзейнасць генеральнага дырэктара кіруючай кампаніі холдынгу буйной будаўнічай арганізацыі г.Пінска. У ходзе праверкі было ўстаноўлена, што ў арганізацыі незаконна выплачваліся прэміяльныя шляхам фіктыўнага афармлення фінансавых вынікаў дзейнасці.
З мэтай стварэння бачнасці паспяховай працы будаўнічага холдынгу генеральны дырэктар кіруючай кампаніі холдынгу на працягу двух гадоў даваў незаконныя ўказанні падпарадкаваным дырэктарам 5 даччыных (унітарных) прадпрыемстваў аб утойванні страт і завышэнні паказчыкаў рэнтабельнасці і чыстага прыбытку, а таксама скажэнні статыстычнай справаздачнасці аб фінансавых выніках дзейнасці. На падставе фіктыўных дакументаў налічаліся прэміі. Усяго незаконна выплачана прэмій, надбавак і матэрыяльнай дапамогі 34 работнікам на суму больш за 58 тыс. руб. (у тым ліку генеральнаму дырэктару холдынгу і дырэктарам унітарных прадпрыемстваў, іх намеснікам, галоўным інжынерам і галоўным бухгалтарам).
У дачыненні да кіраўніка распачата крымінальная справа па ч.3 арт.426 Крымінальнага кодэкса (перавышэнне ўлады або службовых паўнамоцтваў). Вядзецца папярэдняе следства.
Таксама ў дачыненні да 9 службовых асоб (кіраўнікоў і галоўных бухгалтараў) прадпрыемстваў будаўнічага холдынгу, якія маюць дачыненне да скажэння дзяржаўнай статыстычнай справаздачнасці, узбуджаны крымінальныя справы па факце службовай падробкі.
Усе навіны
