Работнікі цэнтральнага апарата Камітэта дзяржкантролю на чале з кіраўніком ведамства Васілём Герасімавым прынялі ўдзел у рэспубліканскім суботніку.
Прадстаўнікі кантрольнага ведамства і Дэпартамента фінансавых расследаванняў пасадзілі лес ва Усяжскім лясніцтве ДЛГУ «Смалявіцкі лясгас». Саджанцы елкі, хвоі і дуба былі высаджаны на плошчы 3 гектары.
Да пачатку суботніка Васіль Герасімаў і работнікі Камітэта ўсклалі кветкі да брацкай магілы воінаў і партызан у пасёлку Усяж.
Таксама работнікі КДК наводзілі парадак у сталіцы - ад лістоты і смецця была прыбрана паркавая зона Сляпянскай воднай сістэмы ў Мінску.