Упраўленнем Дэпартамента фінансавых расследаванняў Камітэта дзяржкантролю па Гродзенскай вобласці спынена супрацьпраўная дзейнасць службовых асоб лідскага закрытага акцыянернага таварыства, якое не заплаціла падаткі ў буйным памеры.
Устаноўлена, што прадпрыемства, якое выконвае работы ў сферы будаўніцтва, на працягу 2015-2020 гадоў адлюстроўвала ва ўліку недакладныя звесткі аб гаспадарчых аперацыях, якія нібыта мелі месца з падкантрольнымі індывідуальнымі прадпрымальнікамі. Гэта прывяло да неабгрунтаванага павелічэння затрат прадпрыемства, а таксама заніжэння падатковай базы падатку на прыбытак.
Усяго такім чынам былі адлюстраваны гаспадарчыя аперацыі з больш як 10 індывідуальнымі прадпрымальнікамі на агульную суму звыш 5 млн. рублёў.
Нанесены дзяржаве ўрон у выглядзе не выплачанага прадпрыемствам падатку на прыбытак склаў звыш 900 тыс. рублёў.
За ўхіленне ад выплаты падаткаў у буйным памеры ў дачыненні да кіраўніка таварыства ўзбуджана крымінальная справа па ч. 2 арт. 243 Крымінальнага кодэкса.
Вядзецца папярэдняе расследаванне.