Старшыня Камітэта дзяржаўнага кантролю Леанід Анфімаў наведаў сёння майстэрню мастака і дызайнера Уладзіміра Цэслера.
Леанід Анфімаў адзначыў, што прэтэнзій да выкарыстання майстэрні ў правяраючых няма. «Тое, што ў памяшканні маецца ложак, абсталяваная кухня, – гэта нармальна. Я не бачу тут праблемы: мастак павінен тварыць і мець магчымасць адпачыць», – адзначыў кіраўнік КДК падчас гутаркі з Уладімірам Цэслерам.
Што тычыцца пытання прадастаўлення льгот па арэнднай плаце грамадскім аб'яднанням, то яно патрабуе дадатковага вывучэння ў кожным канкрэтным выпадку.
«Я добра ведаю спецыфіку работы творчых майстэрняў, у тым ліку дызайнерскіх. У ацэнцы выкарыстання майстэрняў неабходна ліквідаваць розначытанні наконт таго, што лічыць творчым працэсам, а што – камерцыйнай дзейнасцю. Сёння гэтыя пытанні дакладна не адрэгуляваны», – лічыць Леанід Анфімаў.
Дадзеная праблема выяўлена ў ходзе маніторынгу Камітэта дзяржкантролю. Па яго выніках кантрольнае ведамства распрацоўвае прапановы па ўрэгуляванні сітуацыі і - пры неабходнасці - карэкціроўцы заканадаўства, якія будуць унесены ва ўрад.