Старшыня Камітэта дзяржкантролю Васіль Герасімаў прыняў удзел 23 лютага 2024 года ў пасяджэнні Жлобінскага райвыканкама і правёў прамую лінію з жыхарамі рэгіёна. На пасяджэнні райвыканкама разгледжана пытанне «Аб непрадукцыйным выбыцці буйной рагатай жывёлы за 2023 год і студзень 2024 года».
Кіраўнік КДК абазначыў недахопы пры рэалізацыі ў раёне мерапрыемстваў Плана дзеянняў Урада і Камітэта дзяржкантролю па ўстараненню прычын і ўмоў, якія садзейнічаюць непрадукцыйнаму выбыццю буйной рагатай жывёлы, у тым ліку:
па гатоўнасці ферм да зімоўкі, іх агароджы і аснашчэнню відэаназіраннем;
збалансаванасці кармлення жывёлы;
забеспячэнню клеткамі-хаткамі для цялят, выпойванні іх малозівам.
Указана на недапушчальнасць росту падзежу жывёлы і яе звышнарматыўнага непрадукцыйнага выбыцця.
Кіраўнік кантрольнага ведамства акцэнтаваў увагу кіраўніцтва райвыканкама, гаспадарак і службаў раёна на безумоўным выкананні даручэнняў Кіраўніка дзяржавы па навядзенню парадку ў жывёлагадоўлі (забеспячэнне кадрамі, няўхільнае выкананне ветэрынарна-санітарных правіл і тэхналагічных рэгламентаў пры ўтрыманні і кармленні жывёлы, яе ветабслугоўванні).
Пасля заканчэння пасяджэння выканкама Васіль Герасімаў правёў прамую тэлефонную лінію з жыхарамі раёна. Па выніках разгляду зваротаў дадзены шэраг даручэнняў райвыканкаму.
Таксама Старшыня Камітэта дзяржкантролю наведаў ААТ «БМЗ». З кіраўніцтвам прадпрыемства абмеркаваны пытанні вытворча-гаспадарчай дзейнасці таварыства і перспектывы яго развіцця.
Акрамя таго, у Дзень абаронцаў Айчыны і Узброеных Сіл Рэспублікі Беларусь Васіль Герасімаў усклаў кветкі да Абеліска воінам вызваліцелям 63-га стралковага корпуса ў г. Жлобіне, якія загінулі ў баях за свабоду і незалежнасць нашай Радзімы ў гады Вялікай Айчыннай вайны. Урачыстая цырымонія суправаджалася хвілінай маўчання.