Факты нявыплаты падаткаў у асабліва буйным памеры выяўлены ў дзейнасці прыватнай кампаніі, якая займаецца вытворчасцю і распаўсюджваннем рэкламы. Незаконная дзейнасць спынена работнікамі УДФР КДК па Гродзенскай вобласці.
Устаноўлена, што заснавальнік кампаніі на працягу некалькіх гадоў выкарыстоўваў тры падкантрольныя фірмы для штучнага драбнення бізнесу, што дазваляла неабгрунтавана выкарыстоўваць спрошчаную сістэму падаткаабкладання. Вынік фінансавых махінацый - у бюджэт не выплачана больш за 2 млн. рублёў падаткаў.
У адносінах да заснавальніка кампаніі і двух яго памагатых узбуджана крымінальная справа.
Падчас праведзеных вобыскаў канфіскаваны дакументы, якія сведчаць аб супрацьпраўнай дзейнасці падазраваных. Так, у офісе асноўнай кампаніі ў Гродне знойдзены фінансавыя дакументы аб дзейнасці ўсіх падкантрольных фірм, кіраванне якімі ажыццяўляў уладальнік бізнесу. Там жа знойдзены пячаткі і ключы кіравання разліковымі рахункамі ўсіх арганізацый.
На маёмасць фігурантаў (дамы, кватэры, аўтамабілі) накладзены арышт.