Сёння на плошчы Дзяржаўнага флага адбыўся выпуск афіцэраў Акадэміі МУС Рэспублікі Беларусь.
Сярод выпускнікоў - 12 лейтэнантаў фінансавай міліцыі, якія на працягу 4 гадоў навучаліся ў сценах акадэміі ў інтарэсах органаў фінансавых расследаванняў Камітэта дзяржкантролю. Дыпломы будучым работнікам фінансавай міліцыі ўручылі першы намеснік Старшыні Камітэта дзяржкантролю Дзмітрый Баско і намеснік Старшыні Камітэта дзяржкантролю - дырэктар Дэпартамента фінансавых расследаванняў Ігар Маршалаў.
Пасля заканчэння ўрачыстай цырымоніі яны паразмаўлялі з выпускнікамі і павіншавалі іх з атрыманнем дыпломаў. Тыя, хто найбольш вызначыўся ў перыяд вучобы, былі ўзнагароджаны падзякамі Дэпартамента фінансавых расследаванняў і каштоўнымі падарункамі.
Дарэчы, сёлета 6 выпускнікоў, якія навучаюцца ў інтарэсах органаў фінансавых расследаванняў, пасля заканчэння навучання атрымалі залаты медаль, яшчэ 1 скончыў акадэмію з адзнакай.
Пасля заканчэння водпуску выпускнікі прыбудуць на свае першыя працоўныя месцы і пачнуць службу ў органах фінансавых расследаванняў.