У горадзе Санья (Кітайская Народная Рэспубліка) пачала працу 39-я Пленарная сесія Еўразійскай групы па супрацьдзеянні легалізацыі злачынных даходаў і фінансаванні тэрарызму (ЕАГ). Беларуская дэлегацыя пад кіраўніцтвам дырэктара Дэпартамента фінансавага маніторынгу Камітэта дзяржкантролю Вячаслава Рэута будзе працаваць увесь тыдзень у рамках насычанага і змястоўнага парадку дня.
Удзельнікі сесіі разгледзяць Справаздачы аб прагрэсе «антыадмывальных» сістэм Расійскай Федэрацыі і Кыргызскай Рэспублікі з пераглядам рэйтынгаў, прыняцце Стратэгіі ЕАГ на 2024-2028 гады і шэраг іншых важных пытанняў у сферы процідзеяння легалізацыі злачынных даходаў, фінансавання тэрору.
Важным пытаннем парадку дня стане абранне Старшыні ЕАГ на чарговы двухгадовы перыяд.
Таксама ў рамках Пленарнага тыдня ЕАГ пройдзе пасяджэнне Савета кіраўнікоў падраздзяленняў фінансавай разведкі дзяржаў - удзельніц СНД.