У снежні мінулага года Камітэтам дзяржкантролю Брэсцкай вобласці выяўлены факты фіктыўнага ўводу ў эксплуатацыю 2 дамоў пасля капітальнага рамонту, размешчаных па вул. Ленінградскай, 17 і вул. Я.Купалы, 18 у г.Брэсце.
Па дакументах аб'екты былі здадзены, аднак праверка выявіла, што не ўсе работы, прадугледжаныя праектам, былі выкананы. У прыватнасці, не былі зроблены работы па ўцяпленні і зашыўцы металапрофілем вентыляцыйных шахт, устаноўцы адліваў у аконных праёмах, уладкаванні парапетаў і маланкааховы на даху, унутранай афарбоўцы сцен, вентшахт, выхадаў на дах.
Па патрабаванні КДК недахопы аператыўна ліквідаваны. Вінаватыя службовыя асобы заказчыка прыцягнуты да адказнасці.
У цэлым у 2023 годзе ў Брэсцкай вобласці перавыкананы план правядзення капітальнага рамонту (100,3 працэнта ад задання). У той жа час у ходзе праверак устанаўліваюцца факты завышэння кошту работ і неналежнай якасці работ, заказчыкам якіх выступаюць арганізацыі ЖКГ.
Аб недастатковай арганізацыі планавання рамонтных работ сведчаць і факты прыпыненняў і пераносу іх на спрыяльны перыяд.
Напрыклад, з 20 аб'ектаў капрамонту ў г.Баранавічы на 18 працы на працягу 2023 года прыпыняліся.
Наяўныя праблемныя пытанні правядзення капітальнага рамонту з удзелам прадстаўнікоў КДК Брэсцкай вобласці разгледжаны на пасяджэнні Брэсцкага аблвыканкама.