Камітэт дзяржаўнага кантролю працягвае кантроль за ходам падрыхтоўкі сельгасарганізацый да вясенніх палявых работ. Праверкі праведзены ў 147 гаспадарках ва ўсіх рэгіёнах рэспублікі.
Вынікі маніторынгу паказалі, што ў асобных раёнах мясцовыя органы ўлады і кіраўнікі гаспадарак не прымаюць належныя меры па правядзенні своечасовага і якаснага рамонту сельскагаспадарчай тэхнікі, назапашванні неабходнай колькасці мінеральных угнаенняў, забеспячэнні насеннем.
Так, у шэрагу сельгасарганізацый недастатковымі тэмпамі вядзецца падрыхтоўка трактароў і сельскагаспадарчых машын. У асобных гаспадарках рамонт сельскагаспадарчай тэхнікі не праводзіўся з-за адсутнасці запасных частак.
У 24% з ліку правераных сельгасарганізацый не забяспечваліся графікі рамонту тэхнікі. Таксама недастатковымі тэмпамі вядзецца рамонт тэхнікі на спецыялізаваных рамонтных прадпрыемствах. У шэрагу сельгасарганізацый падрыхтоўка тэхнікі да пасяўной не ажыццяўляецца з-за адсутнасці механізатараў.
У ходзе кантрольных мерапрыемстваў у некаторых гаспадарках устаноўлены факты прыпісак гатоўнасці тэхнікі. Таксама выяўлена, што асобныя сельгасарганізацыі не забяспечаны ў поўным аб'ёме насеннем сельскагаспадарчых культур для сяўбы запланаваных плошчаў. Пры гэтым, паводле даных Мінсельгасхарча, у рэспубліцы ёсць насення яравых збожжавых і зернебабовых культур 122% да патрэбнасці. Акрамя таго, маруднымі тэмпамі вядзецца закупка насення збожжавых культур у элітных гаспадарках.
Цяпер прымаюцца меры па забеспячэнню аператыўнага завяршэння рамонту сельскагаспадарчай тэхнікі ў адстаючых рэгіёнах, выбарцы ў спецыялізаваных прадпрыемстваў вырабленага і падрыхтаванага да сяўбы арыгінальнага і элітнага насення збожжавых і зернебабовых культур.
Сітуацыя ў правераных гаспадарках і ход падрыхтоўкі да правядзення палявых работ застаецца на кантролі.