На пасяджэнні разгледжаны вынікі сацыяльна-эканамічнага развіцця, выканання бюджэту вобласці за 2023 год і задачы на бягучы год, а таксама праца рэдакцый рэгіянальных СМІ па рэалізацыі задач дзяржаўнай інфармацыйнай палітыкі і ідэалогіі.
У ходзе пасяджэння Васіль Герасімаў звярнуў увагу на недастатковую работу па забеспячэнню паскоранага развіцця гарадоў Баранавічы і Пінск і акцэнтаваў увагу на неабходнасці актыўнага ўдзелу мясцовых органаў улады сумесна з органамі галіновага кіравання ў прыняцці мер па павышэнні эфектыўнасці работы прамысловых прадпрыемстваў рэспубліканскага падпарадкавання.
Адзначана станоўчая дынаміка ў развіцці сельскай гаспадаркі вобласці: забяспечаны прырост аб'ёмаў вытворчасці збожжа, колькасці і прадукцыйнасці жывёлы, аб'ёмаў вытворчасці малака. Нягледзячы на тое, што ў цэлым па Брэсцкай вобласці падзёж БРЖ зменшыўся, у шэрагу раёнаў і гаспадарак вобласці дапушчаны яго рост. Кіраўнік КДК указаў таксама на дапушчальныя парушэнні галіновых рэгламентаў па ўтрыманні і кармленні жывёлы, факты выкарыстання кармоў без правядзення аналізу іх якасці, псавання кармоў.
Асобная ўвага ўдзелена існуючым недахопам пры правядзенні капітальнага рамонту жыллёвага фонду, фактам няякаснага выканання работ. Так, больш як 75 працэнтаў зваротаў грамадзян, якія паступілі ў Камітэт дзяржкантролю Брэсцкай вобласці ў 2023 годзе па пытаннях правядзення капітальнага рамонту жыллёвага фонду, датычыліся яго якасці.
У ходзе пасяджэння абазначаны праблемныя пытанні ў рабоце па навядзенню парадку з аб'ектамі звышнарматыўнага незавершанага будаўніцтва. Адзначаны шматлікія выпадкі прыпынення будаўніцтва жылых дамоў. Напрыклад, у 2023 годзе выкананне работ прыпынялася па 18 з 31 якія будуюцца і не ўведзены на 31.12.2023 дамоў.
Пры разглядзе пытання выканання бюджэту вобласці кіраўнік кантрольнага ведамства звярнуў увагу на якасць планавання бюджэтных расходаў, неналежнае адміністраванне непадатковых плацяжоў, недастатковую працу бюджэтных арганізацый па павелічэнні паступленняў ад пазабюджэтнай дзейнасці. Усе навіны
Cтаршыня Камітэта
Дэпартамент фінансавых расследаванняў
Дэпартамент фінансавага маніторынгу
Камітэты дзяржкантролю абласцей
