Старшыня Камітэта дзяржаўнага кантролю правёў 15 лютага 2024 г. прыём грамадзян у Адміністрацыі Прэзідэнта Беларусі. Да кіраўніка кантрольнага ведамства звярнуліся жыхары Мінска і Мінскага раёна.
Зварот жыхаркі г. Заслаўя быў звязаны з афармленнем у пажыццёвае валоданне зямельнага ўчастка, а таксама зямельнага ўчастка пад агародніцтва, якім карыстаўся яшчэ яе бацька. Пытанне вывучана з удзелам прадстаўнікоў КДК і гарвыканкама. Мясцовым уладам даручана прыняць вычарпальныя меры па вырашэнні праблемнай сітуацыі, з якой жанчына спрабуе разабрацца больш за год.
Адзін з наведвальнікаў звярнуўся з просьбай правесці праверку аўташколы. На яго думку, у рабоце ўстановы ёсць парушэнні працоўнага заканадаўства, у тым ліку аплаты і аховы працы супрацоўнікаў, парушэнні правілаў і норм пажарнай бяспекі.
Усе агучаныя падчас прыёму пытанні ўзяты Камітэтам дзяржкантролю на кантроль.
Усе навіны