Навіны

Упраўленнем Дэпартамента фінансавых расследаванняў Камітэта дзяржкантролю па Брэсцкай вобласці спынена маштабная супрацьпраўная дзейнасць, звязаная з нявыплатай падаткаў у буйным памеры з боку ўласнікаў зарэгістраванай у Брэсцкай вобласці кампаніі, якая аказвала паслугі ў сферы пажарнай бяспекі.

Таварыства з абмежаванай адказнасцю з'яўлялася адным з асноўных пастаўшчыкоў на тэрыторыі Брэсцкай вобласці тавараў і паслуг, звязаных з пажарнай бяспекай: ажыццяўляла пастаўку і запраўку вогнетушыцеляў, паверку сродкаў пажаратушэння, займалася мантажом і наладкай сістэм пажарнай сігналізацыі і апавяшчэння, вырабам і продажам сродкаў нагляднай агітацыі. У асноўным, кліентамі кампаніі з'яўляліся суб'екты гаспадарання дзяржаўнага сектара краіны.

Работнікі органаў фінансавых расследаванняў устанавілі, што для заніжэння атрымліваемай таварыствам выручкі два ўласнікі і фактычных кіраўніка кампаніі зарэгістравалі ў абласных цэнтрах і буйных гарадах Брэсцкай, Гомельскай, Гродзенскай і Мінскай абласцей яшчэ сем падкантрольных ім прадпрыемстваў з падобнымі назвамі і відамі дзейнасці. Пры гэтым створаныя суб'екты выкарыстоўвалі спрошчаную сістэму падаткаабкладання. Новыя кампаніі былі ўцягнутыя ў дзейнасць галаўнога прадпрыемства з мэтай падзелу атрыманай выручкі, якая б не перавышала для кожнай з гэтых фірм максімальны парог, які дазваляе выплачваць падатак пры спрошчанай сістэме.

Выручка, якая атрымлівалася, штучна размяркоўвалася паміж падкантрольнымі суб'ектамі гаспадарання са студзеня 2020 па снежань 2022 года.

У выніку незаконнага выкарыстання перавагі спецыяльнага рэжыму падаткаабкладання таварыства не заплаціла падатак на дабаўленую вартасць на агульную суму звыш 800 тыс. рублёў.

На ўласнікаў бізнесу пачалі крымінальную справу за ўхіленне ад выплаты падаткаў у буйным памеры.  Усе навіны