Навіны

Упраўленнем Дэпартамента фінансавых расследаванняў Камітэта дзяржкантролю па Брэсцкай вобласці спынена супрацьпраўная дзейнасць брэсцкага таварыства з абмежаванай адказнасцю, якое аказвала паслугі па міжгародняй перавозцы пасажыраў з выкарыстаннем сэрвісу анлайн-браніравання.

Устаноўлена, што арганізацыяй за чатыры гады ўтоена ад падаткаабкладання атрыманая ад аказання паслуг выручка на агульную суму звыш 7,5 млн. рублёў. Частка ўтоенай выручкі была накіравана на выплату заработнай платы "ў канверце" больш за 70 работнікам таварыства.

Сума нявыплачаных падаткаў склала звыш 700 тыс. руб.

За ўхіленне ад выплаты падаткаў у буйным памеры ў дачыненні да дырэктара таварыства ўзбуджана крымінальная справа па ч. 2 арт. 243 Крымінальнага кодэкса Рэспублікі Беларусь.

Вядзецца папярэдняе расследаванне.

На здымку: офіс брэсцкай кампаніі.   Усе навіны