Навіны

Упраўленнем Дэпартамента фінансавых расследаванняў Камітэта дзяржкантролю па Гродзенскай вобласці спынена супрацьпраўная дзейнасць двух уласнікаў сеткі фітнес-клубаў, звязаная з нявыплатай падаткаў у буйным памеры.

Устаноўлена, што яны зарэгістравалі ў дадатак да асноўнай кампаніі яшчэ тры падкантрольныя суб'екты гаспадарання, на якія аформілі новыя фітнес-клубы, адкрытыя ў Гродне, Мінску і Віцебску. Гэта дазволіла штучна размяркоўваць паміж асноўнай і зноў створанымі фірмамі атрыманую выручку і неабгрунтавана выкарыстоўваць спрошчаную сістэму падаткаабкладання.

Пры гэтым уласнікі бізнэсу з'яўляліся заснавальнікамі ўсіх кампаній, ажыццяўлялі кіраўніцтва іх дзейнасцю, а самі кампаніі вялі адзіную дзейнасць. Дастаткова сказаць, што кліенты пры пакупцы абанемента маглі карыстацца любым фітнес-клубам гэтай сеткі.

У выніку незаконнага выкарыстання спецыяльнага рэжыму падаткаабкладання арганізацыяй не выплачана падаткаў на агульную суму звыш 1 млн. руб.

За ўхіленне ад выплаты падаткаў у буйным памеры ў дачыненні да ўласнікаў сеткі фітнес-клубаў узбуджана крымінальная справа па ч.2 арт.243 Крымінальнага кодэкса Рэспублікі Беларусь.

Падчас праведзеных вобыскаў канфіскаваны дакументы, чарнавыя запісы, якія сведчаць аб супрацьпраўнай дзейнасці (у офісе кампаніі у Мінску выяўлены фінансавыя дакументы аб дзейнасці ўсіх падкантрольных кампаній). На маёмасць фігурантаў (дома, кватэры, дарагія аўтамабілі і іншую маёмасць) накладзены арышт.  Усе навіны