У Магілёве спынена супрацьпраўная дзейнасць уладальніка станцыі тэхабслугоўвання аўтамабіляў і ўласніка камерцыйнай нерухомасці
18.07.2024
У Магілёве спынена незаконная дзейнасць уладальніка станцый па тэхнічным абслугоўванні і рамонце аўтамабіляў, звязаная з ухіленнем ад выплаты падаткаў. Ва ўласнасці дадзенага бізнэсмэна таксама знаходзіцца камерцыйная арганізацыя, якая з'яўляецца афіцыйным дылерам замежнага аўтавытворцы, таксама ён з'яўляецца сузаснавальнікам арганізацый, якія валодаюць камерцыйнай нерухомасцю ў 12 гандлёвых цэнтрах у Магілёве і Бабруйску.
Работнікамі ўпраўлення Дэпартамента фінансавых расследаванняў КДК па Магілёўскай вобласці было ўстаноўлена, што ў дадатак да асноўнай камерцыйнай кампаніі, якая займаецца продажам, рамонтам і тэхнічным абслугоўваннем легкавых аўтамабіляў, бізнесмен арганізаваў рэгістрацыю падкантрольнага суб'екта з аналагічным відам дзейнасці.
На кіруючыя пасады ў абедзвюх кампаніях фармальна былі прызначаны працаўнікі гэтых арганізацый, аднак іх дзейнасцю мужчына кіраваў самастойна. Пры гэтым зарэгістраванае ў 2018 годзе дадатковае прадпрыемства поўнасцю дубліравала дзейнасць галаўнога таварыства, якое працавала з 2004 года.
Рэгістрацыя другой кампаніі і ўкараненне «шэрай» схемы спатрэбілася для штучнага падзелу атрымоўваемай асноўным прадпрыемствам выручкі і выплаты абедзвюма кампаніямі падаткаў па спрошчанай сістэме падаткаабкладання і ў меншым памеры.
З прычыны неправамернага прымянення спрошчанага рэжыму падаткаабкладання ў бюджэт за 5 гадоў не былі выплачаны падатак на дабаўленую вартасць і падатак на прыбытак на агульную суму не менш як 1,6 млн. рублёў.
У адносінах да ўласніка бізнесу і намінальных дырэктараў галаўнога таварыства УСК па Магілёўскай вобласці распачата крымінальная справа.
Падчас праведзеных вобыскаў у офісе асноўнай арганізацыі канфіскаваны фінансавыя дакументы, пячаткі, банкаўскія ключы па дзейнасці абодвух арганізацый, кіраванне якімі ажыццяўляў уладальнік бізнесу.
Нанесены ўрон кампенсаваны ў бюджэт Рэспублікі Беларусь.