Старшыня Камітэта дзяржкантролю правёў прамую тэлефонную лінію з жыхарамі Дзяржынскага раёна

Старшыня Камітэта дзяржкантролю Васіль Герасімаў правёў 19 снежня 2023 г. прамую тэлефонную лінію з жыхарамі Дзяржынскага раёна.

Адразу некалькі зваротаў паступіла па пытаннях працы гандлёвых аб'ектаў у в. Станькава. Жыхары звярталі ўвагу на недастатковую колькасць магазінаў, у асобных з іх -- на рэалізацыю пратэрмінаванай прадукцыі.

Частка зваротаў датычылася правядзення рамонтных работ на вуліцах Дзяржынска. У асноўным асфальт укладваецца на галоўных вуліцах горада, пры гэтым другарадным дарогам, на думку заяўнікаў, надаецца недастаткова ўвагі.

Яшчэ адзін зварот быў звязаны з падтапленнем зямельнага ўчастка жыхара раённага цэнтра. Паступілі таксама тэлефанаванні па паляпшэнні транспартнага абслугоўвання паміж сельскімі населенымі пунктамі.

Па шэрагу зваротаў Васіль Герасімаў выдаў даручэнні аператыўна разабрацца ў сітуацыі, у тым ліку па выкананні сацыяльных стандартаў пры гандлёвым абслугоўванні жыхароў. Усе звароты застаюцца на кантролі ў КДК.