Напярэдадні Дня работнікаў органаў дзяржаўнага кантролю прадстаўнікі КДК прынялі ўдзел у аўтапрабегу
20.07.2024
Аўтапрабег быў прысвечаны 80-годдзю вызвалення Беларусі ад нямецка-фашысцкіх захопнікаў і 30-годдзю ўтварэння Камітэта дзяржаўнага кантролю.
Калона аўтамабіляў прайшла да мемарыяльнага комплексу Курган Славы, дзе ўдзельнікі аўтапрабегу ўсклалі кветкі да абеліска. У аўтапрабегу прынялі ўдзел кіраўніцтва і работнікі Камітэта дзяржкантролю, Дэпартамента фінансавых расследаванняў, камітэта дзяржкантролю Мінскай вобласці і сталічнага ўпраўлення ДФР.
Аўтапрабегі, прымеркаваныя да 30-годдзя ўтварэння Камітэта дзяржаўнага кантролю, прайшлі таксама ва ўсіх рэгіёнах рэспублікі. Канчатковым пунктам маршрутаў сталі знакавыя мемарыяльныя комплексы, да якіх работнікі абласных камітэтаў дзяржкантролю і ўпраўленняў ДФР усклалі кветкі, ушанаваўшы памяць удзельнікаў Вялікай Айчыннай вайны, якія аддалі сваё жыццё за незалежнасць Радзімы.
Нагадаем, 2 жніўня ў рэспубліцы адзначаецца Дзень працаўнікоў органаў дзяржаўнага кантролю. Указ аб устанаўленні святочнай даты падпісаны Кіраўніком дзяржавы ў бягучым годзе.