Дэлегацыя Камітэта дзяржкантролю Беларусі прыняла ўдзел у сумесным семінары з Падліковай палатай Расіі

Дэлегацыя Камітэта дзяржкантролю Беларусі прыняла ўдзел у двухбаковым семінары з Падліковай палатай Расіі на тэму "Метадалогія і вопыт правядзення стратэгічнага аўдыту", які адбыўся ў Маскве.

У ходзе семінара разгледжаны пытанні метадалогіі правядзення стратэгічнага аўдыту і выкарыстання інфармацыйных сістэм для яго правядзення.

Прадстаўнікі Камітэта дзяржкантролю і Падліковай палаты Расіі абмеркавалі падыходы да ацэнкі дзяржпраграм. Адзначана важнасць правядзення стратэгічнага аўдыту праграм, па выніках якога праводзіцца ацэнка дасягнення нацыянальных мэт, прыярытэтаў і выпрацоўваюцца рэкамендацыі дзяржаўным органам па важных і стратэгічных пытаннях дзяржаўнага кіравання.

Праблемныя пытанні, якія ўзнімаюцца кантрольнымі органамі, падобныя ў Беларусі і Расіі і сумесная работа над іх вырашэннем павышае якасць прапаноў, што выпрацоўваюцца.

У ходзе семінара адбыўся абмен думкамі аб падыходах да правядзення стратэгічнага аўдыту выканання прагнозных і праграмных дакументаў сацыяльна-эканамічнага развіцця краін.

На канкрэтных прыкладах абмеркаваны вынікі правядзення стратэгічнага аўдыту ў асобных галінах, у тым ліку ў сацыяльнай сферы і дарожным будаўніцтве.

Праца па ўдасканаленні метадалагічных падыходаў будзе працягнута.