Размова з кіраўніком кантрольнага ведамства доўжылася больш за дзве гадзіны. Але спачатку прадстаўнікі Камітэта дзяржкантролю расказалі пра гісторыю стварэння ведамства, самыя значныя сферы кантролю і выяўленыя парушэнні. Прывялі найбольш яскравыя прыклады спынення парушэнняў і крымінальных схем у дарожнай галіне, будаўніцтве, кантролі за цэнамі і інш. Асаблівую цікавасць выклікала інфармацыя аб рабоце дэпартаментаў фінансавых расследаванняў і фінансавага маніторынгу, якія ўваходзяць у склад Камітэта дзяржкантролю. Тым больш у зале былі ўдзельнікі алімпіяды па фінансавай бяспецы, якая штогод праходзіць у Сочы. Нашую краіну ў ёй прадстаўляюць студэнты БДУ і БДЭУ, а курыруе ўдзел беларускай каманды Дэпартамент фінансавага маніторынгу.
Падчас дыялогу маладыя людзі задавалі Васілю Герасімаву розныя пытанні, звязаныя як з дзейнасцю Камітэта, так і асабістыя. Пыталіся аб тым, як праходзіць звычайны дзень дзяржкантралёра, якая сфера кантролю з'яўляецца самай важнай для Камітэта, якімі якасцямі павінен валодаць ідэальны малады супрацоўнік.
Былі і незвычайныя пытанні. Напрыклад, удзельнікі сустрэчы прасілі расказаць пра самае запамінальнае парушэнне, якое выявілі спецыялісты ў бюджэтнай сферы, прывесці топ фінансавых парушэнняў, якія здзяйсняюцца моладдзю.
У дыялогу ўдзельнічалі і студэнты першага курса эканамічнага факультэта БДУ, якія сёлета паступілі на новую спецыяльнасць «дзяржаўны аўдыт». Шэраг студэнтаў навучаецца на ўмовах мэтавай падрыхтоўкі ў інтарэсах КДК і пасля заканчэння ВНУ яны прыйдуць на працу ў Камітэт дзяржкантролю. Іх цікавілі пытанні праходжання практыкі ў кантрольным ведамстве, якія з навучальных дысцыплін найперш спатрэбяцца для далейшай работы ў КДК, ці можна выкарыстоўваць у вучэбнай дзейнасці матэрыялы расследаванняў КДК мінулых гадоў.
На ўсе пытанні Васіль Герасімаў даў вычарпальныя адказы і размова сапраўды атрымалася адкрытай.
Усе навіны
Cтаршыня Камітэта
Дэпартамент фінансавых расследаванняў
Дэпартамент фінансавага маніторынгу
Камітэты дзяржкантролю абласцей
