У рамках Дзяржаўнай праграмы інавацыйнага развіцця Рэспублікі Беларусь тут рэалізуецца інавацыйны праект па вытворчасці высокадакладнага, высокатрывалага чыгуннага ліцця. У снежні 2014 года ўведзены ў эксплуатацыю ўчастак ліцця гільзы блока цыліндраў. У цяперашні час завяршаюцца работы па стварэннi ўчастка фасонных адлівак па працэсу халодна-цвярдзеючых сумесяў. Плануецца, што ён будзе ўведзены ў эксплуатацыю ў першым квартале 2020 г. Запуск новай вытворчасці дасць магчымасць забяспечыць патрэбнасць ААТ «Кіруючая кампанія холдынга «ММЗ» у дробнасерыйным чыгунным ліццi, у тым ліку для камплектацыі новых мадэляў рухавікоў.
Падчас наведвання філіяла Леанід Анфімаў з кіраўніцтвам завода і філіяла правеў пробны пуск участка фасонных адлівак. Кіраўнік КДК азнаёміўся з дзеючай і новай вытворчасцю, а таксама ўзорамі новай лінейкі рухавікоў вялікай магутнасці.
Пасля азнаямлення з вытворчай базай філіяла Леанід Анфімаў абмеркаваў з кіраўніцтвам Міністэрства прамысловасці і ААТ «Кіруючая кампанія холдынга «ММЗ» пытанні, звязаныя з рэалізацыяй інавацыйнага праекта, выхадам новай вытворчасці на праектную магутнасць.