З 9 па 11 жніўня кароткі нумар 191 будзе працаваць па пытаннях аказання арганізацыямі Дзяржстандарта метралагічных і іншых паслуг

З 9 па 11 жніўня 2023 г. Камітэт дзяржаўнага кантролю адкрывае «гарачую лінію», падчас якой можна паведаміць пра складанасці пры атрыманні паслуг у галіне метралогіі і стандартызацыі, сертыфікацыі персаналу і прадукцыі, узмацненні патрабаванняў па паверцы і каліброўцы сродкаў вымярэнняў, і іншых праблемных пытаннях па ўказанай тэматыцы.

Таксама прымаюцца прапановы па аптымізацыі працэдур у сферы забеспячэння адзінства вымярэнняў у Рэспубліцы Беларусь і сертыфікацыі менеджменту якасці і бяспекі прадукцыі.

Паведамленні па кароткім нумары 191 прымаюцца з 9.00 да 13.00 і з 14.00 да 18.00.